तुमच्या कारला लावलेला FASTag बनावट तर नाही? ऑनलाइन विक्रीतून होतेय फसवणूक; ‘अशी’ घ्या काळजी

FASTag खरेदी करताना सावधगिरी बाळगावी. अन्यथा तुमचीही फसवणूक होऊ शकते, असा इशारा देण्यात आला आहे.

केंद्रातील मोदी सरकाने देशभरातील हजारो टोल प्लाझांवरील (Toll Plaza) वाहनांच्या मोठ्या रांगा कमी करण्यासाठी सर्व फोर व्हिलर वाहनांसाठी FASTag अनिवार्य केले आहे. एखाद्या व्यक्तीने नवीन वाहन खरेदी केले तर त्याला फास्टॅग घेणे आवश्यक आहे.

मात्र, ऑनलाइन माध्यमातून बनावट FASTag विक्री होत असल्याची माहिती देण्यात आली आहे. यासंदर्भात काही फसवणुकीची प्रकरणे समोर आली असून, NHAI ने देखील इशारा दिला आहे की FASTag खरेदी करताना सावधगिरी बाळगा, अन्यथा तुमच्यासाठी समस्या उद्भवू शकतात.

अधिक माहिती देताना NHAI ने म्हटले आहे की, काही फसवणूक करणाऱ्यांनी बनावट फास्टॅग ऑनलाइन विकण्यास सुरुवात केली. फसवणूक करणारे NHAI किंवा IHMCL सारखे बनावट फास्टॅग विकत आहेत जे खरे दिसत असले तरी ते बनावट आहेत.

बनावट FASTag बाजारात विकले जात असताना खरा फास्टॅग खरेदी करण्यासाठी तुम्ही https://ihmcl.co.in/ या संकेतस्थळाला भेट द्यावी किंवा तुम्ही MyFastag वरून मूळ किंवा अस्सल FASTag मिळवू शकता. याशिवाय सूचीबद्ध बँका आणि विक्री एजंट्सच्या अधिकृत विक्री केंद्रावरून तुम्ही फास्टॅग खरेदी करू शकता, अशी माहिती NHAI ने दिली आहे.

FASTag मिळवण्यासाठी Amazon सह ICICI बँक, HDFC बँक, एअरटेल पेमेंट्स बँक, SBI, कोटक बँक, अॅक्सिस बँक आणि पेटीएम पेमेंट्स बँक यासारख्या बँकांशी संपर्क साधू शकता, अशी माहिती देण्यात येत आहे.

FASTag शी संबंधित माहिती IHMCL च्या संकेतस्थळावर अधिकृतरित्या देण्यात आलेली असून, कोणतीही तक्रार असल्यास, भारतीय राष्ट्रीय महामार्ग प्राधिकरणाच्या १०३३ क्रमांकावर कॉल करून बनावट फास्टॅग बद्दल तक्रार करू शकता. तसेच FASTag रिचार्ज करण्यासाठी तुम्ही बँकेचे क्रेडिट कार्ड किंवा डेबिट कार्ड किंवा NEFT किंवा RTGS किंवा नेट बँकिंग वापरून ऑनलाइन माध्यमातून पेमेंट करता येते.

FASTag खात्यावर १ लाख रुपयांपर्यंतचा रिचार्ज करता येतो. याशिवाय, तुम्ही Google Pay, Paytm, Airtel Payments Bank आणि PhonePe द्वारे तुमच्या सोयीनुसार ऑनलाइन पेमेंट करू शकता, असे सांगितले गेले आहे.

दरम्यान, IDFC फर्स्ट बँकेचे FASTag ग्राहक आता HPCL रिटेल आउटलेटवर ‘HP Pay App’ द्वारे इंधनाचे पैसे देऊ शकतात. पेट्रोल खरेदीवर पेमेंट करण्याची सुविधा आणि डिझेल देणे सुरू केले आहे. IDFC फर्स्ट बँकेचा हा FASTag निवडक HPCL रिटेल आउटलेटवर खरेदी, रिचार्ज आणि बदलता येऊ शकतो.

IDFC First FASTag निवडक HPCL रिटेल आउटलेट्सवर खरेदी, रिचार्ज आणि एक्सचेंज केले जाऊ शकते, IDFC फर्स्ट बँक आणि हिंदुस्तान पेट्रोलियम कॉर्पोरेशन लिमिटेड (HPCL) चालकांना HPCL रिटेल आउटलेट्सवर IDFC First Bank FASTags वापरण्याची परवानगी देते.

ही भागीदारी HPCL रिटेल आउटलेटवर IDFC First Bank FASTags वापरणाऱ्या ५० लाख ड्रायव्हर्ससाठी FASTag ची खरेदी आणि वापर सुलभ करते. एचपीसीएल आणि आयडीएफसी फर्स्ट बँकेच्या वरिष्ठ व्यवस्थापनाने मुंबईत झालेल्या एका कार्यक्रमात या करारावर स्वाक्षरी केली.

IDFC फर्स्ट बँक सुमारे २६० टोल प्लाझा आणि १५ पार्किंग स्थानांवर FASTag द्वारे पेमेंट करण्याची सुविधा प्रदान करते. IDFC फर्स्ट बँकेने सुमारे ५० लाख FASTag जारी केलेत आणि हे टॅग दररोज सरासरी २० लाख व्यवहारांसह टोल प्लाझावर चालकांकडून सक्रियपणे वापरले जातात.

याशिवाय खासगी वाहने चालवणारे लोक आता IDFC First Bank चा FASTag वापरून HPCL रिटेल आउटलेटवर इंधन खरेदीसाठी पैसे देऊ शकतात आणि आकर्षक रिवॉर्ड पॉइंट मिळवू शकतात. आता FASTag बॅलन्स वापरून FASTag ला ‘HP Pay App’ मोबाईल ऍप्लिकेशनशी लिंक करून पेमेंट केले जाऊ शकते.