- तुकाराम सर्जे बोरी (जि.परभणी) : एकीकडे गॅस सिलिंडरची टंचाई नसल्याचे बोलले जात आहे. तरी देखील ग्रामीण भागात सिलिंडर मिळत नसल्याने ग्राहकांच्या रांगा लागत आहेत. असेच चित्र जिंतूर तालुक्यातील बोरी येथे शुक्रवारी पहावयास मिळाले. एचपी गॅस ग्राहकांना नोंदणीचा ओटीपी येऊन पंधरा दिवस झाले. मात्र, गॅस सिलिंडर मिळत नसल्याने पहाटे पाचपासून एजन्सीसमोर गॅस धारकांनी रांगा लावल्या. अनेकांना गॅस मिळाला नसल्यामुळे रिकाम्या हाताने परतावे लागले.
मागील पंधरा दिवसांपासून बोरी परिसरात गॅस सिलिंडर मिळत नसल्यामुळे गॅस ग्राहक हैराण झाले आहेत. एजन्सी धारकांनी घरपोच गॅस पुरवठा करावा, असे बंधनकारक असताना सुद्धा गॅस घरपोच मिळत नाही. त्यामुळे ग्राहक बेहाल झाले आहेत. शुक्रवारी सकाळी पाच वाजल्यापासून एजन्सीसमोर ग्राहकांच्या रांगा लागल्या होत्या. पाचशे गॅस टाक्यांची गाव परिसरात आवश्यकता असताना त्या ठिकाणी फक्त २५० टाक्या उपलब्ध होत्या. त्यामुळे काही ग्राहकांना रिकाम्या हाताने परतावे लागले. पंधरा दिवसापासून गॅस संपल्यामुळे ग्राहकांची गैरसोय होत आहे.
प्रशासनाने हस्तक्षेप करावाडिझेल टंचाई, गॅस टंचाई अशा समस्यामुळे बोरी ग्रामस्थ त्रस्त आहेत. इतर ठिकाणी गॅसचा पुरवठा सुरळीत होत असून बोरी या ठिकाणी तुटवडा जाणवत आहे. ही बाब प्रशासनाने लक्षात घेऊन येथील गॅस पुरवठा सुरळीत करावा, अशी मागणी होत आहे. याबाबत संबंधित एचपी एजन्सी धारकांशी संपर्क केला असता त्यांच्या संपर्क होऊ शकला नाही. बोरी येथील एजन्सी धारकाकडे परिसरातील अनेक गावांतील ग्राहक मोठ्या प्रमाणावर आहेत. या ठिकाणी मुबलक गॅसचा पुरवठा करावा, अशी मागणी ग्राहकांनी केली आहे.
Web Summary : Despite assurances, Bori faces gas cylinder shortages. Residents queue from 5 AM, even with OTPs, yet many return empty-handed. The area needs 500 cylinders but receives only 250, causing hardship. Locals urge authorities to ensure a consistent gas supply.
Web Summary : आश्वासन के बावजूद, बोरी में गैस सिलेंडर की कमी। ओटीपी के बावजूद, सुबह 5 बजे से कतारें लगने पर भी कई लोग खाली हाथ लौटते हैं। क्षेत्र को 500 सिलेंडरों की जरूरत है, लेकिन केवल 250 ही मिलते हैं, जिससे परेशानी होती है। स्थानीय लोग अधिकारियों से गैस की आपूर्ति सुनिश्चित करने का आग्रह करते हैं।