श्रुती साठे स्थळ, काळ, वेळ बाजूला ठेऊन प्रत्येक स्त्री ज्याच्या मोहात पडते ते म्हणजे रेशीम, अर्थातच सिल्क! मग ती पैठणी असो की कांजीवरम, बनारस सिल्क असो की ओरिसा आपले मन नक्कीच त्याकडे ओढले जाते.साडी, लेहेंगा चोली, सलवार कमीज, ओढणी, स्टोल, कुठल्याही रूपात सिल्क सुंदरच दिसते. एखाद्या लग्नसमारंभात, रिसेप्शनसाठी सिल्क वापरायचं असल्यास साडीऐवजी कित्येक तरुणी सिल्क अनारकली कुर्त्यामध्ये दिसतात. श्रद्धा कपूर तिच्या आगामी चित्नपटाच्या प्रमोशनसाठी हजर राहिली ती एका बनारसी सिल्क आउटफिटमध्ये. गुलाबी रंगाचा बनारसी सिल्कमध्ये बनवलेला अनारकली कुर्ता त्यावरील नाजूक बुट्टे आणि भरजरी बाह्यांमुळे सुंदर दिसला. त्या खाली तिने प्लेन रॉ सिल्कमधील पलाझो आणि कॉण्ट्रास्ट ओढणी वापरली. ओढणीदेखील निळ्या रंगावर भरजरी बनारसी बुट्टे आणि ठसठशीत काठ यामुळे भाव खाऊन गेली! कपडय़ांमध्ये कॉटन आणि सिल्क, कॉम्बिनेशनमध्ये मोनोक्र ोम आणि कॉण्ट्रास्ट हे कधीच ट्रेण्डच्या बाहेर न जाणारे असे घटक आहेत.फिरून फिरून यामध्येच फॅशनचे जग रमताना दिसते. याशिवाय हल्ली बहुतांशी लेगिंग्जऐवजी पलाझो वापरण्याचा ट्रेण्ड आहे, मग अगदी अनारकली खाली पलाझोदेखील सुरेख दिसतो. त्यामुळे श्रद्धा सारखेच तुम्ही सुद्धा सिल्क, कॉण्ट्रास्ट, अनारकली विथ पलाझो असा प्रयोग नक्की करून पाहा!