सरिता सिंहचा नवीन राष्ट्रीय विक्रम

येथे गुरुवारपासून सुरू झालेल्या २१ व्या फेडरेशन चषक वरिष्ठ राष्ट्रीय मैदानी अजिंक्यपद स्पर्धेत उत्तर प्रदेशच्या सरिता सिंहने

पतियाळा : येथे गुरुवारपासून सुरू झालेल्या २१ व्या फेडरेशन चषक वरिष्ठ राष्ट्रीय मैदानी अजिंक्यपद स्पर्धेत उत्तर प्रदेशच्या सरिता सिंहने हातोडाफेक प्रकारात ६५.२५ मीटरची कामगिरी करून नवीन राष्ट्रीय विक्रम प्रस्थापित करून सुवर्णपदक जिंकले. पूर्वीचा विक्रम २०१४ मध्ये मंजू बालाने ६२.७५ मीटरची कामगिरी करून नोंदविलेला होता. सरिता सिंह नंतर गुंजन सिंहने ६१. ९५ मी. व निधि कुमारने ५७. ९९ मी. हातोडा फेकून अनुक्रमे रौप्य व कास्यपदक जिंकले. महिलांच्या ४०० मी. अडथळ्याच्या (५७.३९ से.) शर्यतीत केरळच्या आर. अनुने सुवर्ण जिंकून नवा विक्रम नोंदविला. (वृत्तसंस्था)