रणजी करंडक

रणजी करंडक स्पर्धेचे बाद फेरीचे वेळापत्रक जाहीर

र�

��जी करंडक स्पर्धेचे बाद फेरीचे वेळापत्रक जाहीर
उपांत्यपूर्व फेरी : विदर्भ-तमिळनाडू, महाराष्ट्र-आंध्र प्रदेश, मुंबई-दिल्ली, कर्नाटक-आसाम
नवी दिल्ली : रणजी करंडक स्पर्धेत बाद फेरीचे वेळापत्रक जाहीर झाले असून, १६ फेब्रुवारीपासून विविध केंद्रांवर उपांत्यपूर्व फेरीच्या लढती रंगणार आहेत. उपांत्यपूर्व फेरीच्या पहिल्या लढतीत गतविजेता कर्नाटक संघाला आसामच्या आव्हानाला सामोरे जावे लागणार आहे. ही लढत इंदूर येथे होणार आहे. दिल्ली व मुंबई संघांदरम्यान कटक येथे उपांत्यपूर्व फेरीची लढत रंगणार आहे. जयपूर येथे विदर्भाची लढत तमिळनाडूविरुद्ध होणार असून, लाहलीमध्ये महाराष्ट्र व आंध्र प्रदेश संघांदरम्यान सामना होईल.
बीसीसीआयने प्रसिद्धीला दिलेल्या पत्रकानुसार, उपांत्य फेरीच्या लढती २५ फेब्रुवारी ते १ मार्च या कालावधीत बंगळुरू व कोलकाता येथे रंगणार आहे. पहिल्या व दुसर्‍या उपांत्यपूर्व फेरीतील विजेते संघ बंगळुरू येथे, तर तिसर्‍या व चौथ्या उपांत्यपूर्व फेरीतील विजेते संघ कोलकाता येथे खेळतील. मुंबई येथे ८ मार्च रोजी अंतिम सामना रंगणार आहे. सर्व सामन्यांचे थेट प्रसारण होणार आहे. (वृत्तसंस्था)