न्युझीलंडचा ७ विकेटने पराभव करत इंग्लडची अंतिम फेरीत धडक

जेसन रॉयच्या तुफानी ७८ धावा आणि बेन स्टोक्सने घेतलेल्या ३ बळीच्या जोरावर इंग्लड संघाने न्युझीलंडचा ७ गड्यांनी पराभव करत अंतिम फेरीत धडक मारली.

ऑनलाइन लोकमत

नवी दिल्ली, दि. ३० - जेसन रॉयच्या तुफानी ७८ धावा आणि बेन स्टोक्सने घेतलेल्या ३ बळीच्या जोरावर इंग्लड संघाने न्युझीलंडचा ७ गड्यांनी पराभव करत अंतिम फेरीत धडक मारली. उद्या मुंबईत होणाऱ्या भारत विरुद्ध वेस्ट इंडिज यांच्यातील विजेत्याशी त्यांचा अंतिम सामना खेळवला जाईल. न्युझीलडंच्या १५४ धावांच्या आव्हानाचा पाठलाग करताना इंगलडने जेसन रॉयच्या फटकेबाजीच्या जोरावर १७ चेंडू  आणि ७ विकेट राखून विजय संपादन केला.

 

जेसन रॉयने ४४ चेंडूचा सामना करताना २ षटकार आणि ११ चौकार लगावले आणि सामना एकहाती इंग्लडच्या बाजूने झुकवला. जेसन रॉय आणि हेल्स यांनी ८.२ षटकात १०च्या सरासरीने ८२ धावांची तडाखेबाज सलामी देत विजयाचा पाया रचला. हेल्स २० दादावर बाद झाला. तर मॉर्गनला आपले खातेही उघडता आले नाही. ज्यो रुट (२७) आणि बटलर (३२) यांनी विकेटची पडझडन होता संघाला अंतिम फेरित पोहचवले

 

त्यापुर्वी, शेवटच्या हाणामारीच्या षटकात इंग्लडच्या गोंलदाजांनी केलेल्या भेदक गोंलदाजीच्या जोरावर इंग्लडने न्युझीलंडला निर्धारीत २० षटकात १५३ धावांपर्यंतच रोखले. चांगल्या सुरवातीनंतर न्युझींडची मधली फळी ढासळल्यामुळे न्युझीलंड मोठ्या धावसंखेपासून वंचीत राहिला. टी२० विश्वचषक स्पर्धेतील पहिला उपांत्य सामना इंग्लंड वि. न्यूझीलंड संघात दिल्लीतील फिरोजशाह कोटला मैदानावर खेळला जात आहे. या महत्वपूर्ण सामन्यात इंग्लंडने नाणेफेक जिंकून प्रथम गोलंदाजी करण्याचा निर्णय घेतला. न्यझीलंडने प्रथम फलंदाजी करत निर्धारीच २० षटकात १५३ धावा केल्या आहेत. विजयासाठी इंग्लडला निर्धारीत २० षटकात १५४ धावांची गरज आहे. न्युझीलंडकडून कर्णधार विलियमसन ३२ धावा काढून बाद झाला त्याला मोइन अलीने आपल्याच गोंलदाजीवर बाद केले. तर १२ चेंडूंत १५ धावा करणारा गपटील विलीच्या गोलंदाजीवर बटलरकडे झेल देत बाद झाला. मुनरोने ३२ चेंडूत एक षटकार आणि ७ चौकाराच्या मदतीने ४६ धावा केल्या. रॉस टेलरला आपल्या लौकीकास साजेशी खेळी करण्यात अपयश आले तो ६ धावांवर बाद झाला. ल्युक राँचीने २ धावा केल्या. अंडरसन २८ धावार बाद होणारा न्युझीलंडचा सहावा फलंदाज ठरला. कर्णधार विलियमसन आणि मुनरो यांच्यात दुसऱ्या गड्यासाठी ७४ धावांची भागीदारी झाली. ही न्युझीलंडकडून सर्वात मोठी भागीदारी होय.

बेन स्टोक्सने ४ षटकात ३ फलंदाजांना बाद केले. तर डेविड विले, क्रिस जॉर्डन, लेयाम प्लंकेट आणि मोइन अली यांनी प्रत्येकी एका फंलदाजाला बाद केले.