स्मार्ट सिटीला वाहतूककोंडीचा अडथळा

आंतरराष्ट्रीय विमानतळ, मेट्रो प्रकल्प, नैना सिटी, एमआयडीसी, स्टील मार्केट यांसह पनवेल शहराची व्याप्ती वाढत आहे. पनवेल महापालिकाही या ठिकाणी नव्याने

- वैभव गायकर । लोकमत न्यूज नेटवर्कपनवेल : आंतरराष्ट्रीय विमानतळ, मेट्रो प्रकल्प, नैना सिटी, एमआयडीसी, स्टील मार्केट यांसह पनवेल शहराची व्याप्ती वाढत आहे. पनवेल महापालिकाही या ठिकाणी नव्याने स्थापन झाल्याने भविष्यात स्मार्ट सिटी उभारण्याचा मानस पालिकेचा आहे. सिडकोने याकरिता ३२ हजार करोड रु पयांची तरतूद देखील केली आहे. मात्र, या सर्वांचे केंद्रबिंदू असलेल्या शहरातील वाहतूक व्यवस्था ही स्मार्ट सिटीला रोडा ठरू शकते. त्यामुळे कळंबोली सर्कलजवळ नव्याने दोन भूमिगत बोगदे उभारण्याची मागणी पनवेलमधील कफ या संस्थेने सार्वजनिक बांधकाममंत्री एकनाथ शिंदे यांच्याकडे केली आहे. कळंबोली सर्कलजवळ सध्या वाहतूककोंडीची भीषण समस्या निर्माण झाली आहे. सायन-पनवेल महामार्ग, कळंबोली-मुंब्रा मार्ग, जेएनपीटी-कळंबोली मार्ग, मुंबई-पुणे द्रुतगती महामार्ग आदींसह स्टील मार्केटकडे जाणाऱ्या मार्गिका या ठिकाणाहून जातात. विशेष म्हणजे, सायन-पनवेल महामार्ग हा आठपदरी, मुंब्रा-कळंबोली मार्ग दुपदरी, नव्याने निर्माण होणारा जेएनपीटी-कळंबोली महामार्ग आठपदरी, द्रुतगती महामार्गाच्या प्रवेशिकेबाहेर जाण्याचा मार्गही या ठिकाणीच असल्याने, या ठिकाणी वाहनांची संख्या दिवसेंदिवस वाढत आहे. प्रतिसेकंद ६ वाहने या ठिकाणाहून मार्गक्र मण करीत असतात. सर्कलची उभारणी करताना भविष्याचा विचार केला गेला नसल्याने सध्याच्या घडीला पनवेल शहर, तसेच या ठिकाणाहून कोठेही जाण्यासाठी कळंबोली सर्कल हा मोठा अडथळा ठरत आहे. यासंदर्भात सिटिझन युनिट फोरमनचे अध्यक्ष अरु ण भिसे, सदस्य अमित रणदिवे यांनी सार्वजनिक बांधकाममंत्री एकनाथ शिंदे यांची भेट घेऊन ही वाहतूककोंडी कमी करण्याच्या दृष्टीने पावले उचलण्याची मागणी केली आहे. विशेष म्हणजे, या भेटीमध्ये कफने वाहतूककोंडी टाळण्यासाठी सायन-पनवेल महामार्गावर आसुडगाव ते कळंबोली सर्कलच्या पुढे हलक्या वाहनांसाठी दोन भूमिगत बोगदे बांधण्याची मागणी केली आहे.कळंबोली सर्कल या ठिकाणची वाहतूककोंडीसंदर्भात आम्ही प्रस्ताव तयार करीत असून, याकरिता कन्सल्टन्सी नेमण्याची प्रक्रि या सुरू आहे. सिटिझन युनिटी फोरमने दिलेल्या प्रस्तावाबाबत आम्ही विचार करून आवश्यक बाबीचा आम्ही आमच्या प्रस्तावात नक्कीच विचार करू. - हेमंत फेगडे, अधीक्षक अभियंता, राष्ट्रीय महामार्ग प्राधिकरणकळंबोली सर्कलजवळील वाहतूककोंडी संदर्भात मी स्वत: एमएसआरडीसीला दोन महिन्यांपूर्वी प्रस्ताव पाठविला आहे. आम्हाला यासंदर्भात त्यांचे उत्तर प्राप्त झालेले नाही. यासंदर्भात आम्ही नव्याने या विषयाचा पाठपुरावा करू. - नितीन पवार, वाहतूक पोलीस उपायुक्त, नवी मुंबई पोलीस आयुक्तालय