माथेरानमधील तीन हॉटेल सील

नगरपरिषदेमार्फत भरारी पथकाने धडक कारवाई करीत शहरतील तीन हॉटेल्सला सील केले. नागरी भागाच्या सुनियोजित

माथेरान : नगरपरिषदेमार्फत भरारी पथकाने धडक कारवाई करीत शहरतील तीन हॉटेल्सला सील केले. नागरी भागाच्या सुनियोजित व संपन्न विकासासाठी लोकाभिमुख नागरी प्रशासनाकडून महत्त्वाची भूमिका बजावली जाते. ३१ मार्च २०१४ पासून असलेले मालमत्ता व पाणीपट्टी थकबाकीची १०० टक्के वसुलीसाठी विशेष मोहीम राबविण्याचा शासनाने निर्णय घेतला आहे. माथेरान नगरपरिषदेच्या वतीने बुधवारी धडक कारवाई केली. यात हॉटेल ब्राइट लँड यांची एकूण थकबाकी रक्कम रु पये ९ लाख ८७ हजार ५४५ रु पये , हॉटेल आनंद रिट्झ २० लाख ३५ हजार ८७४ रु पये तर हॉटेल शिरीनची एकूण थकबाकी ७१ हजार ७७६ रु पये एवढ्या मोठ्या रकमा थकीत असल्याने ही तीन हॉटेल्स मुख्याधिकारी सागर घोलप यांनी आपल्या पथकासमवेत सील केली आहेत. तर गावातील अन्य मालमत्ताधारकांनी सुद्धा थकीत रक्कम लवकरात लवकर न भरल्यास गावामध्ये नावानिशी नोटीस लावून मालमत्ता सील केल्याचे पथकातील अधिकाऱ्यांनी सांगितले. (वार्ताहर)