मुलांच्या भवितव्याशी खेळ! Noge, Eare, Iey... चुकीचं इंग्रजी शिकवणाऱ्या शिक्षकाचा Video व्हायरल

शाळेतील शिक्षक मुलांना इंग्रजी शिकवताना दिसत आहे, परंतु ते चुकीचं इंग्रजी शिकवत आहेत.

सोशल मीडियावर कधीकधी असे व्हिडीओ समोर येतात जे लोकांना मोठा धक्का देतात. छत्तीसगडमधील बलरामपूर येथील असाच एक व्हिडीओ सध्या जोरदार व्हायरल होत आहे. व्हिडिओमध्ये शाळेतील शिक्षक मुलांना इंग्रजी शिकवताना दिसत आहे, परंतु ते चुकीचं इंग्रजी शिकवत आहेत. हा व्हिडीओ पाहिल्यावर सर्वांच्याच पायाखालची जमीन सरकली.

शिक्षक मुलांना नाक, कान आणि डोळे हे शब्द उच्चारायला शिकवताना स्पष्टपणे दिसत आहे, परंतु तो चुकीचे शब्द उच्चारतो. तसंच मुलांना चुकीचं स्पेलिंग शिकवतो. Noge, Eare आणि Iey अशी नाक, कान आणि डोळे याची स्पेलिंग असल्याचं सांगतो. सातत्याने तो चुकीचं शिकवत असल्याचं दिसतं. व्हिडीओ सोशल मीडियावर व्हायरल होताच लोक संतापले कारण याचा संबंध मुलांच्या शिक्षणाशी आहे.

छत्तीसगढ़ में एक सरकारी स्कूल के टीचर बच्चों को अंग्रेजी सिखा रहे थे....

Eye = Iey
Nose = Noge
Ear = Eare

वीडियो वायरल हुआ तो विभाग ने सस्पेंड कर दिया।

लेकिन असली सवाल ये है... गलती उस टीचर की है या उस सिस्टम की जो ऐसे \"शिक्षक\" तैयार करता है?#EducationSystem… pic.twitter.com/JJnPneMl5n

\— 𝙈𝙪𝙧𝙩𝙞 𝙉𝙖𝙞𝙣 (@Murti\_Nain) November 18, 2025

लहान मुलं चुकीचं शिकत आहेत. व्हिडिओ व्हायरल झाल्यानंतर, शिक्षण विभागाने ताबडतोब कारवाई केली. अधिकाऱ्यांनी संपूर्ण प्रकरणाची चौकशी केली. विभागाने शिक्षकाला नोटीस बजावली आणि नंतर त्याला निलंबित केलं. विद्यार्थ्यांच्या शिक्षणात कोणत्याही प्रकारची तडजोड सहन केली जाणार नाही असं अधिकाऱ्यांचं म्हणणं आहे.

स्थानिक लोकांनी दिलेल्या माहितीनुसार, लहान मुलांचा पाया शाळेतच रचला जातो आणि जर तिथे चुका झाल्या तर ते पुढे कसं चांगलं शिक्षण घेतील? असा प्रश्न पडतो. सोशल मीडियावर अनेक लोक शिक्षकांच्या कृतीवर टीका करत आहेत, तर काही जण असेही म्हणत आहेत की मुलांना योग्य ज्ञान मिळावं म्हणून शिक्षकांना वेळोवेळी प्रशिक्षण देणं महत्त्वाचं आहे.