नवी दिल्ली : संसदेवर २००१ मध्ये झालेल्या दहशतवादी हल्ल्यात मृत्युमुखी पडलेल्यांना या हल्ल्याच्या २४व्या स्मृतिदिनानिमित्त राष्ट्रपती द्रौपदी मुर्मू, पंतप्रधान नरेंद्र मोदी, उपराष्ट्रपती राधाकृष्णन, गृहमंत्री अमित शाह यांच्यासह अनेक खासदारांनी श्रद्धांजली अर्पण केली.
स्मृतिदिनानिमित्त १३ डिसेंबर रोजी जुन्या संसद भवनाबाहेर दरवर्षीय विशेष समारंभाचे आयोजन केले जाते. दरम्यान, या समारंभात औद्योगिक सुरक्षा दलाच्या जवानांनी या शहिदांना सलामी दिली.
९ जणांचा झाला होता मृत्यू
पाकिस्तानस्थित लष्कर-ए-तोयबा आणि जैश-ए-मोहम्मद या संघटनांच्या पाच दहशतवाद्यांनी संसद संकुलावर हल्ला केला होता. यात नऊ जणांचा मृत्यू झाला होता.
तत्कालीन उपराष्ट्रपती कृष्णकांत यांच्या सुरक्षा ताफ्यातील पाच पोलिस, संसदेच्या सुरक्षा सेवेतले दोन कर्मचारी, बागकाम करणारा कर्मचारी, टीव्ही पत्रकार यांचा मृतांत समावेश होता. सुरक्षा दलाच्या कारवाईत पाचही दहशतवादी मारले गेले होते. काँग्रेस नेत्या सोनिया गांधी, लोकसभेतील विरोधी पक्षनेते राहुल गांधी आणि प्रियांका गांधी यांनीही शहीदांना पुष्पांजली अर्पण केली.
Web Summary : India paid tribute to the martyrs of the 2001 Parliament attack. Leaders and officials honored the fallen at a memorial event, remembering the nine lives lost in the terror attack by Pakistan-based groups.
Web Summary : भारत ने 2001 के संसद हमले के शहीदों को श्रद्धांजलि दी। नेताओं और अधिकारियों ने स्मारक कार्यक्रम में शहीदों को याद किया, पाकिस्तान स्थित समूहों द्वारा किए गए आतंकी हमले में नौ लोगों की जान चली गई थी।