नवी दिल्ली: मंदिरात जमा झालेला पैसा ही देवतेची मालमत्ता असते आणि आर्थिक संकटात असलेल्या सहकारी बँकांना वाचवण्यासाठी या पैशाचा वापर केला जाऊ शकत नाही, असा महत्त्वाचा आणि स्पष्ट निर्वाळा सर्वोच्च न्यायालयाने दिला आहे. केरळ उच्च न्यायालयाने थिरुनेल्ली मंदिर देवस्वोमचे मुदत ठेव त्वरित परत करण्याचे जे आदेश दिले होते, त्या आदेशाला आव्हान देणाऱ्या सहकारी बँकांच्या याचिका सर्वोच्च न्यायालयाने फेटाळून लावल्या.
मुख्य न्यायमूर्ती सूर्यकांत आणि न्यायमूर्ती जॉयमाल्या बागची यांच्या खंडपीठाने सुनावणीदरम्यान कठोर टिप्पणी केली. खंडपीठाने स्पष्ट केले की, जर एखादी बँक आर्थिकदृष्ट्या कमकुवत असेल, तर मंदिराचा निधी त्यांच्या मदतीसाठी वापरला जाऊ शकत नाही. मंदिराचा पैसा केवळ मंदिर आणि देवतेच्या हितासाठीच वापरला जाऊ शकतो, असे न्यायालयाने ठामपणे सांगितले.
यावेळी न्यायालयाने विचारले की, 'जेव्हा राष्ट्रीयीकृत बँकांमध्ये सुरक्षितपणे आणि अधिक व्याजदराने रक्कम ठेवता येते, तेव्हा आर्थिक अडचणीत असलेल्या सहकारी बँकेत मंदिराचा निधी का ठेवला जावा?' ग्राहकांना आकर्षित करता येत नसेल, तर ती बँकेची समस्या आहे; मंदिराचा पैसा त्यांच्यासाठी आधारवड ठरू शकत नाही, असेही निरीक्षण न्यायालयाने नोंदवले. थिरुनेल्ली देवस्वोमने वारंवार विनंती करूनही बँका एफडीची रक्कम परत करत नसल्याने हा वाद निर्माण झाला होता.
Web Summary : The Supreme Court ruled temple funds are for temple use only. Ailing cooperative banks cannot use them. The court questioned why temple funds were in unstable banks when safer options existed. Banks must return Thurunelli temple's deposits.
Web Summary : सुप्रीम कोर्ट ने कहा मंदिर का धन मंदिर के लिए ही है। कमजोर सहकारी बैंक इसका उपयोग नहीं कर सकते। कोर्ट ने पूछा, सुरक्षित विकल्प होते हुए भी मंदिर का धन अस्थिर बैंकों में क्यों है? बैंकों को थुरुनेल्ली मंदिर की जमा राशि लौटानी होगी।