मोदींविरोधात बोलल्यामुळेच केजरीवालांची जीभ वाढली होती - पर्रिकर

दिल्लीचे मुख्यमंत्री अरविंद केजरीवाल यांची जीभ मोठी झाल्यामुळे त्यांच्यावर शस्त्रक्रिया करण्यात आली आहे. या मुद्द्यावरून संरक्षण मंत्री मनोहर पर्रिकर यांनी केजरीवालांना शाब्दिक चिमटा काढला आहे.

ऑनलाइन लोकमतपणजी, दि. १८ : दिल्लीचे मुख्यमंत्री अरविंद केजरीवाल यांची जीभ मोठी झाल्यामुळे त्यांच्यावर शस्त्रक्रिया करण्यात आली आहे. या मुद्द्यावरून संरक्षण मंत्री मनोहर पर्रिकर यांनी केजरीवालांना शाब्दिक चिमटा काढला आहे. दिल्लीत ते पंतप्रधानांविरोधात बोलतात आणि गोव्यात येऊन माझ्याविरोधात बोलतात, यामुळे त्यांची जीभ वाढली होती, आता तिला छोटं करण्यात आलं आहे, असं पर्रिकर म्हणाले आहेत. जीभेवर शस्त्रक्रिया झाल्यामुळे सध्या ते सुट्टीवर आहेत. मला त्यांच्याबद्दल सहानुभूती आहे, असं वक्तव्यही पर्रिकर यांनी केले. दरम्यान, मुख्यमंत्री अरविंद केजरीवाल यांच्यावर बंगळुरुतील नारायण हेल्थ सिटी रूग्णालयात मंगळवारी जिभेवर शस्त्रक्रिया करण्यात आली होती. त्यामुळे त्यांना काही दिवस बोलता येणार नाही. जवळपास ४० वर्षांपासून केजरीवालांना खोकल्याचा त्रास होत होता. जिभेची लांबी काहीशी वाढल्यामुळे त्यांच्या जिभेवर ही शस्त्रक्रिया करण्यात आली. शस्त्रक्रियेनंतर घशाचा त्रास दूर होणार आहे मात्र त्यासाठी केजरीवालांना काही दिवस आराम करण्याचा सल्ला डॉक्टरांनी दिला आहे.