कळमन्यातील गोदामातून सोयाबीनची चोरी

नागपूर : कळमन्यातील गोदामातून चोरट्यांनी दीड लाखाचे सोयाबीन चोरून नेले. कापसी बुजुर्ग (कळमना) परिसरात घडलेली ही चोरीची घटना २२ डिसेंबरला सकाळी उघडकीस आली.
कैलास नागरमल सोनी (वय ४४, रा़ ओम अपार्टमेंट, जलाराम नगर, नागपूर) यांचे कळमना कापसी बुजुर्ग, येथे समृद्धी टे्रडिंग कंपनी नावाचे गोदाम आहे. चोरट्यांनी गोदामाच्या शटरचे लॉक तोडले आणि आतमधून सोयाबीनचे ४४ पोते चोरून नेले. या सोयाबीनची किंमत १ लाख ५४ हजार रुपये आहे. सोनी यांच्या तक्रारीवरून कळमना पोलिसांनी चोरीचा गुन्हा दाखल केला. चोरट्यांचा शोध घेतला जात आहे.
----