सिंगल....

तांबे यांचा सत्कार
अहमदनगर : वाडिया पार्क भागातील संत सावताश्रम शिक्षण संस्थेच्या महात्मा फुले विद्या मंदिर व सावित्रीबाई फुले माध्यमिक विद्यालयात आमदार डॉ. सुधीर तांबे यांचा संस्थेचे अध्यक्ष, नगरसेवक बाळासाहेब बोराटे यांनी सत्कार केला. यावेळी केशवराव मुर्तडक, प्रा. नितीन पुंड, शेखर व्यवहारे, संजय चौरे, रावसाहेब काकडे, सुनीता पालवे आदी उपस्थित होते. तांबे यांनी आमदार निधीतून शाळेला पाच संगणक दिले.
----
विकासप्रश्नी निवेदन
अहमदनगर: शहरामध्ये विकासकामे करावीत, तसेच शहराचा उद्योग-व्यवसाय वाढीस मदत करणार्‍या प्रकल्पांची उभारणी करण्यात यावी, या मागणीचे निवेदन शहर भाजपाचे पदाधिकारी जगन्नाथ निंबाळकर, धनंजय जामगावकर, पंकज जहागीरदार, अरुण नरवडे, सचिन चोरडिया आदिंनी मुख्यमंत्री देवेंद्र फडणवीस यांना शनिवारी दिले.
----
शुद्ध पाण्याचे यंत्र
अहमदनगर : वाळकी येथील न्यू इंग्लिश स्कूल व कला कनिष्ठ महाविद्यालयात एल ॲण्ट टी कंपनीतर्फे पिण्याचे पाणी शुद्ध करून देणारे यंत्र बसविण्यात आले. या यंत्र प्रदान कार्यक्रमास कंपनीचे सरव्यवस्थापक अरविंद पारगावकर, डॉ. आर. एस. फिरोदिया, सरपंच संग्राम गायकवाड, प्राचार्य एल. एल. ठुबे, ज्ञानदेव बोठे, अशोक कासार आदी उपस्थित होते.