स्थलांतरावर नवीन कायदा करण्याची तयारी सुरू; सरकारच्या या निर्णयाने काय बदल होणार? सविस्तर वाचा

अमेरिकेने १०४ भारतीयांना हद्दपार केल्यानंतर, केंद्र सरकार स्थलांतरावर नवीन कायदा करण्याची तयारी करत आहे. हा कायदा १९८३ च्या इमिग्रेशन कायद्याची जागा घेईल. काँग्रेस खासदार शशी थरूर यांच्या अध्यक्षतेखालील परराष्ट्र व्यवहार संसदीय समितीचा अहवाल समोर आला आहे.

बाहेरच्या देशात रोजगारासाठी सुरक्षित, सुव्यवस्थित आणि नियमित स्थलांतराला प्रोत्साहन देण्यासाठी एक यंत्रणा स्थापन करण्यासाठी सरकार एक नवीन कायदा करण्याचा गांभीर्याने विचार करत आहे. अमेरिकेने १०४ बेकायदेशीर भारतीय स्थलांतरितांना हद्दपार केले आहे. काल स्पेशल विमानाने त्यांना सोडण्यात आले. यामुळे आता पुन्हा एकदा हा मुद्दा चर्चेत आला आहे, प्रस्तावित 'इमिग्रेशन' २०२४ हे विधेयक १९८३ च्या इमिग्रेशन कायद्याची जागा घेईल अशी माहिती समोर आली आहे.

डोनाल्ड ट्रम्प यांच्या धमकीनंतर मेक्सिको अ‍ॅक्शन मोडमध्ये; सीमेवर १० हजार जवान तैनात; घुसखोरांवर लक्ष ठेवणार

काँग्रेस खासदार शशी थरूर यांच्या अध्यक्षतेखालील परराष्ट्र व्यवहार संसदीय समितीच्या अहवालात हे समोर आले आहे. हा अहवाल सोमवारी संसदेत सादर करण्यात आला. ज्या राज्यांमध्ये सध्या ते अस्तित्वात नाहीत अशा ठिकाणी स्थलांतरितांचे संरक्षक स्थापन करायचे आहेत, असं समितीने म्हटले आहे.

पंजाब आणि उत्तर प्रदेश सारख्या स्थलांतरितांच्या हॉटस्पॉट राज्यांमध्ये अतिरिक्त POE कार्यालये उघडण्याची प्रक्रिया जलद करावी जेणेकरून स्थलांतरितांना चांगली सुविधा आणि मदत मिळेल, असं समितीचे म्हणणे आहे.

भारतातील स्थलांतराची प्रक्रिया १९८३ च्या स्थलांतर कायद्यांतर्गत येते. याचे प्रशासकीय नियंत्रण परराष्ट्र मंत्रालयाकडून स्थलांतरितांच्या संरक्षक जनरलद्वारे केले जाते.

परराष्ट्र मंत्रालय नवीन कायदा बनवणार

अहवालानुसार, 'स्थलांतराची समकालीन जागतिक परिस्थिती आणि भारतीय नागरिकांच्या गरजा लक्षात घेता, समिती १९८३ च्या जुन्या इमिग्रेशन कायद्याची जागा घेण्यासाठी व्यापक कायदेविषयक बदलांची आवश्यकता अधोरेखित करत आहे. बऱ्याच विलंबानंतर, परराष्ट्र मंत्रालय एक नवीन कायदा बनवण्याचा गांभीर्याने विचार करत आहे.