Ahmedabad Plane Crash: गुजरातमध्ये भीषण विमान अपघात! एअर इंडियाचं लंडनला जाणारं फ्लाईट कोसळलं, २४२ प्रवासी असल्याची माहिती

Air India Plane Crash in Ahmedabad: गुजरातमधील अहमदाबादमध्ये २४२ प्रवाशांसह एअर इंडियाचे विमान कोसळले, अशी माहिती राज्य पोलिस नियंत्रण कक्षाने दिली आहे.

Ahmedabad Plane Crash: गुजरातच्या अहमदाबादमध्ये मोठा विमानअपघात झाल्याची माहिती समोर आली आहे. अहमदाबाद येथे विमान कोसळून हा अपघात झाला आहे. अहमदाबादमधून या विमान अपघाताचे भयावह फोटो आणि व्हिडीओही समोर येत आहेत. विमान अपघातानंतर अहमदाबादच्या मेघानी परिसरात आगीच्या मोठ्या ज्वाळा दिसत आहे. तसेच दूरवरून काळ्या धुराचे ढग दिसत आहेत. माध्यमांच्या वृत्तानुसार हे एक प्रवासी विमान होते.

An Air India plane with 242 passengers onboard has crashed in Gujarat's Ahmedabad, confirms the State Police Control Room

More details awaited pic.twitter.com/RPAYU8KfUM

— ANI (@ANI) June 12, 2025

गुजरातमधील अहमदाबादमध्ये २४२ प्रवाशांसह एअर इंडियाचे विमान कोसळले, अशी माहिती राज्य पोलिस नियंत्रण कक्षाने दिली आहे. सुरुवातीच्या माहितीनुसार, विमानाला उड्डाणादरम्यान अपघात झाला.

An international Air India plane has crashed near Ahmadabad AirPort immediately after takeoff
Rescue operations underway #Ahmadabadcrashpic.twitter.com/9CE1Jm1k9a

— Ashraf Wani اشرف وانی (@ashraf_wani) June 12, 2025

मिळालेल्या माहितीनुसार, सरदार वल्लभभाई पटेल आंतरराष्ट्रीय विमानतळावर हा दुर्दैवी अपघात झाला. लंडनला जाणारे हे प्रवासी विमान विमानतळाजवळच कोसळले. समोर आलेल्या फोटोंमधून विमानाचे तुकडे झाले असल्याचे दिसून येते. मदत आणि बचाव कार्य सुरू आहे.

विमान दुर्घटनेचे महत्त्वाचे अपडेट्स

- एअर इंडियाचं बोईंग ड्रीमलाइनर ७८७ विमान
- दुपारी १ वाजून ३८ मिनिटांनी उड्डाण
- उड्डाणानंतर काहीच मिनिटांत रहिवासी भागावर कोसळलं विमान
- विमानाच्या इंधन टाक्या पूर्णपणे भरलेल्या असल्याने जास्त नुकसान
- दुर्घटना परिसरातील अनेक वाहनं जळून खाक
- विमान दुर्घटनेमुळे परिसरातील इमारतीही कोसळल्या
- अहमदाबाद अग्निशमन दलाच्या गाड्या घटनास्थळी दाखल

विमान कोसळतानाचे दृष्य कॅमेरात कैद

गुजरातमध्ये भीषण विमान अपघात! एअर इंडियाचं लंडनला जाणारं फ्लाईट कोसळलं#airindia#Ahmedabad#planecrashpic.twitter.com/zEv8yDpfRR

— Lokmat (@lokmat) June 12, 2025

सीआयएसएफच्या म्हणण्यानुसार, उड्डाण घेतल्यानंतर, विमान शहरातील एका निवासी भागातील एका इमारतीवर आदळले आणि त्यानंतर त्यात मोठी आग लागली. अपघातानंतर बचावकार्य युद्धपातळीवर सुरु करण्यात आहे. या हृदयद्रावक घटनेत अनेक लोकांचा मृत्यू झाल्याची भीती व्यक्त केली जात आहे.