संसदेचं अर्थसंकल्पीय अधिवेशन स्थगित होणार, विरोधी पक्षांच्या मागणीला सत्ताधाऱ्यांची सहमती, कारण काय?  

Parliament Budget Session: सध्या सुरू असलेल्या संसदेच्या अर्थसंकल्पीय अधिवेशनाचा दुसरा टप्पा २ एप्रिलपर्यंत नियोजित आहे. मात्र आता संसदेच्या अर्थसंकल्पीय अधिवेशनाच्या अंतिम तारखेबाबत अनिश्चितता निर्माण झाली आहे. 

सध्या सुरू असलेल्या संसदेच्याअर्थसंकल्पीय अधिवेशनाचा दुसरा टप्पा २ एप्रिलपर्यंत नियोजित आहे. सभागृहात झालेला गोंधळ आणि गदारोळामुळे वाया गेलेल्या कामकाजाच्या वेळेची भरपाई करण्यासाठी या आठवड्यात शनिवारी आणि रविवारीही संसदेच्या दोन्ही सभागृहांचं कामकाज होणार आहे. मात्र आता संसदेच्या अर्थसंकल्पीय अधिवेशनाच्या अंतिम तारखेबाबत अनिश्चितता निर्माण झाली आहे.

संसदेच्या अर्थसंकल्पीय अधिवेशनाच्या दुसऱ्या टप्प्यामधील कामकाज २ एप्रिलपर्यंत नियोजित असलं तर हे कामकाज कोणत्याही दिनी स्थगित करण्याची घोषणा होण्याची शक्यता आहे. सूत्रांनी दिलेल्या माहितीनुसार सरकार आणि विरोधी पक्ष या आठवड्यात कुठलल्याही दिवशी अधिवेशन स्थगित करण्याच्या निर्णयावर सहमत होऊ शकतात. 

याबाबत मिळत असलेल्या माहितीनुसार विरोधी पक्षांच्या अनेक खासदारांनी संसदेचं अर्थसंकल्पीय अधिवेशन स्थगित करण्याची मागणी केली आहे. याबाबत सूत्रांनी दिलेल्या माहितीनुसार संसदेचं अधिवेशह अनिश्चित काळासाठी स्थगित केलं जाणार नाही. म्हणजेच अर्थसंकल्पीय अधिवेशनाचा समारोप करण्याऐवजी काही काळासाठी कामकाज स्थगित केलं जाणार आहे.

सूत्रांनी दिलेल्या माहितीनुसार दोन्ही सभागृहांचं कामकाज स्थगित करण्याची मागणी विरोधी पक्षांकडून करण्यात आली आहे. तसेच पाच राज्यांमध्ये होत असलेल्या विधानसभेच्या निवडणुका हे त्या मागचं कारण असल्याचे सांगण्यात येत आहे. अनेक खासदारांना विधानसभा निवडणुकीच्या प्रचारामध्ये सहभागी व्हायचे आहे. मात्र अधिवेशन सुरू असताना प्रचारासाठी जाणे शक्य होणार नाही. त्यामुळे हे अधिवेशन स्थगित करण्याची मागणी विरोधी पक्षांच्या खासदारांनी केल्याचे सांगण्यात येत आहे.