जॉगर्स पार्कमध्ये युवतीचा विनयभंग

जॉगर्स पार्कमध्ये युवतीचा विनयभंग
नागपूर : मैत्रिणीसोबत टिफीन खाण्यासाठी गेलेल्या युवतीचा विनयभंग केल्याप्रकरणी प्रतापनगर पोलिसांनी आरोपीविरुद्ध गुन्हा दाखल केला आहे. २४ वर्षाची युवती मंगळवारी दुपारी २ वाजता आपल्या मैत्रिणीसह वर्धा मार्गावरील स्नेहनगर, जॉगर्स पार्क येथे टिफीन खाण्यासाठी गेली होती. तेथे आरोपी सुनील ऊर्फ पप्पूू शहा रा. धारी ले-आऊट, जोगीनगर आणि त्याचे दोन साथीदार होते. त्यांनी संगनमत करून युवतीला टिफीन खाऊ न देता शिविगाळ केली. सदर युवती आरोपींना समजविण्यासाठी गेली असता त्यांनी शिविगाळ करून तिच्या मनास लज्जा उत्पन्न होईल, असे कृत्य केले.