एकाच मंडपात १७ भाऊ-बहिणींचे लग्न,लग्नाची निमंत्रण पत्रिकाही एकच, कारण वाचून कराल कौतुक

Marriage News: सामूहिक विवाहांमध्ये अनेक जोडपी लग्नगाठ बांधताना आपण पाहिली असतील, परंतु बिकानेरमधील एकाच कुटुंबातील तब्बल १७ चुलत भाऊ-बहिणींनी एकाच मंडपात लग्न केल्याने त्यांची चर्चा होत आहे.

बिकानेर : सामूहिक विवाहांमध्ये अनेक जोडपी लग्नगाठ बांधताना आपण पाहिली असतील, परंतु बिकानेरमधील एकाच कुटुंबातील तब्बल १७ चुलत भाऊ-बहिणींनी एकाच मंडपात लग्न केल्याने त्यांची चर्चा होत आहे.नोखा परिसरात मंगळवारी हे लग्न पार पडले. लग्नाच्या मिरवणुकीसह १२ वर मंडपात आल्यानंतर संपूर्ण गाव त्यांच्या स्वागतासाठी जमले. सोमवारी आणि मंगळवारच्या मध्यरात्री पाच चुलत भावंडांनी लग्नगाठ बांधली होती.

लग्नाची निमंत्रण पत्रिकाही एकच
गावातील सुरजाराम गोदारा यांनी एकत्रित कुटुंबात काटकसरीचा आदर्श ठेवण्यासाठी आपल्या १७ नातवंडांचे एकत्र लग्न लावून दिले. यासाठी केवळ एकच लग्नाची निमंत्रण पत्रिका छापण्यात आली होती. यात पाच नातवंडे आयुष्मान आणि १२ नातवंडांना आयुष्मती असे लिहिले आहे. पाचही वरांची लग्नाची मिरवणूक एकाच वेळी निघाली. 

नातवंडांच्या लग्नासाठी येणाऱ्या लग्नाच्या मिरवणुकीच्या स्वागताचा कार्यक्रमही त्याचवेळी घेण्यात आला. मंगळवारी रात्री एकामागून एक १२ लग्नाच्या मिरवणुका गावात पोहोचल्या. सुरजाराम यांच्या घरी लग्नाचा मोठा मंडप घालण्यात आला होता. 

का केले एकत्र लग्न?
आज दोन भावांमध्ये सतत खटके उडत असल्याचे पाहायला मिळते. मात्र सुरजाराम गोदारा यांची पाच मुले ओमप्रकाश, गोविंद, मनाराम, भगीरथ आणि भैराराम आजही एकत्र कुटुंब म्हणून राहतात. या पाच जणांना १७ मुले आहेत. यामध्ये पाच मुले आणि १२ मुली आहेत. प्रत्येकजण प्रौढ झाल्यावर स्वतंत्र विवाह न करता सामूहिक विवाह करून विवाहावरील खर्च कमी करण्याचा संदेश देत कुटुंब त्याच दिवशी विवाहसोहळे आयोजित करण्यात आला.