पंजाबच्या फरिदकोट जिल्ह्यातील कोटकपूरा परिसरातून रस्ते अपघाताचा एक अंगावर शहारे आणणारा व्हिडिओ समोर आला आहे. वेगात असलेली स्कूटी रस्त्यावरील सीवरेजच्या (गटाराच्या) वर आलेल्या झाकणाला धडकल्याने एक महिला गंभीर जखमी झाली. ही संपूर्ण घटना मागून येणाऱ्या एका कारच्या डॅशकॅममध्ये रेकॉर्ड झाली असून, सोशल मीडियावर हा व्हिडिओ सध्या तुफान व्हायरल होत आहे.
मिळालेल्या माहितीनुसार, संबंधित महिला आपल्या अॅक्टिव्हा स्कूटीवरून वेगाने जात होती. समोर असलेल्या एका वाहनाला ओव्हरटेक करण्याच्या प्रयत्नात असताना, रस्त्याच्या मधोमध असलेले सीवरेजचे झाकण उंच असल्याने स्कूटीचा टायर त्यावर आदळला आणि उडाला. यामुळे भर वेगात स्कुटरचे नियंत्रण गेले आणि ती महिला देखील सीटवरून टुणकण उडाली. स्कूटर हातात आणि महिलेचे दोन्ही पाय एका बाजुने रस्त्यावर अशी तिची परिस्थिती होऊन गेली. काही सेकंदातच नियंत्रण सुटले आणि महिला जोरात सिमेंटच्या रस्त्यावर आदळली, तर तिची स्कूटी काही अंतरापर्यंत फरफटत पुढे गेली.
आसपासच्या नागरिकांनी तातडीने धाव घेत महिलेला रुग्णालयात दाखल केले. आधीच पडल्याने तिला फारसे लागले नाही. थोडेफार खरचटले यामुळे ती वाचली. स्कूटर पुढे रस्त्याशेजारच्या बंद दुकानांच्या शेडवर जाऊन आदळली.
प्रशासनाच्या दिरंगाईवर संतापया घटनेमुळे स्थानिक नागरिकांनी प्रशासनाविरुद्ध संताप व्यक्त केला आहे. रस्त्यावरील उघडी किंवा वर आलेली मॅनहोलची झाकणी दुचाकीस्वारांसाठी 'मृत्यूचा सापळा' ठरत आहेत. सोशल मीडियावर अनेक युझर्सनी खराब रस्ते पायाभूत सुविधांवर प्रश्नचिन्ह उपस्थित केले आहे, तर काहींनी ओव्हरटेक करताना आणि वेगावर नियंत्रण ठेवण्याचा सल्ला दिला आहे.
Web Summary : A woman in Punjab suffered serious injuries after her scooter hit a raised manhole cover while overtaking a vehicle. The impact threw her from the scooter, resulting in a crash. Locals are criticizing authorities for hazardous road conditions.
Web Summary : पंजाब में एक महिला वाहन को ओवरटेक करते समय एक उभरे हुए मैनहोल कवर से टकराकर गंभीर रूप से घायल हो गई। टक्कर से वह स्कूटर से गिर गई। स्थानीय लोग खतरनाक सड़क की स्थिति के लिए अधिकारियों की आलोचना कर रहे हैं।