Haryana Assembly Election Results 2024 : हरयाणा विधानसभेचे निकालाचे आकडे समोर येण्यास सुरुवात झाली आहे. मतमोजणीच्या सुरुवातीला काँग्रेसने मोठी आघाडी घेतली होती. पण काही तासातच मोठा उलटफेर झाला आणि भाजपाने पुन्हा एकदा मुसंडी मारली. यामुळे आता हरयाणामध्ये भाजपा तिसऱ्यांदा सरकार स्थापन करणार असल्याची चर्चा सुरू आहे. दरम्यान, आजूनही मतमोजणी सुरूच आहे. काही जागांवर काँग्रेस काही हजार मतांनीच पिछाडीवर आहे. यामुळे अजूनही काँग्रेसला सत्ता स्थापनेची आशा आहे.
आतापर्यंत आलेल्या आकडेवारीनुसार, भाजपा ४८ जागांवर तर काँग्रेस ३६ जागांवर आघाडीवर आहे. हरयाणामध्ये सत्ता स्थापन करण्यासाठी ४६ जागांची आवश्यक्ता आहे. यामुळे आता भाजपा सरकार स्थापन करण्याची शक्यता आहे. पण आता एक नवीन अपडेट समोर आली आहे. १३ जागांवर काँग्रेस ५ हजार मतांनी पिछाडीवर आहे. या जागांवर जर काँग्रेसने आघाडी घेतली तर काँग्रेस हरयाणामध्ये सरकार स्थापन करु शकते.
या १३ जागा निर्णायक ठरणार
पंचकुला जागेवर काँग्रेस 2532 मतांनी मागे
रादौर जागेवर काँग्रेस 4075 मतांनी मागे
इंद्री जागेवर काँग्रेस 2324 मतांनी मागे
असंध मतदारसंघात काँग्रेस 3178 मतांनी पिछाडीवर
राई मतदारसंघात काँग्रेस 1215 मतांनी पिछाडीवर
नरवाना जागेवर काँग्रेस 2529
फतेहबादमध्ये 1318
आदमपूरमध्ये 4185
बदरामध्ये- 3592
दादरी मतदारसंघातून -4642
भवानी खेडा मध्ये- 3587
कलनौर- 1178
होडल- 489
निकालावरुन आता राजकीय वर्तुळात आरोप-प्रत्यारोप सुरू आहेत. आता निवडणूक आयोगावर काँग्रेसने आरोप केले आहेत. काँग्रेस नेते जयराम रमेश यांनी पत्रकार परिषद घेऊन निवडणूक आयोगावर प्रश्न उपस्थित केले आहेत.
जयराम रमेश म्हणाले, लोकसभा निकालांप्रमाणेच हरयाणातील निवडणुकीचे ट्रेंडही मुद्दाम निवडणूक आयोगाच्या वेबसाइटवर हळू शेअर केले जात आहेत. भाजप प्रशासनावर दबाव आणण्याचा प्रयत्न करत आहे का?, असा प्रश्न त्यांनी केला.