Video - लग्नात चिप्स, स्नॅक्सवर तुटून पडले पाहुणे; चेंगराचेंगरीत चिमुकलीवर सांडला उकळता चहा

सामूहिक विवाह सोहळ्यासाठी आलेल्या पाहुण्यांनी अक्षरश: खूप गोंधळ घातला. चिप्सच्या पाकिटासाठी ते भिडले, एकमेकांच्या जीवावर उठले.

लग्नाचे भन्नाट व्हिडीओ हे सोशल मीडियावर नेहमीच व्हायरल होत असतात. काही व्हिडीओ हे गमतीशीर असतात तर काही विचार करायला भाग पाडतात. असाच एक व्हिडीओ सध्या सोशल मीडियावर जोरदार व्हायरल होत आहे, ज्याने सर्वांच लक्ष वेधून घेतलं. लग्नासाठी आलेले पाहुणे मंडळी चक्क चिप्स आणि स्नॅक्सवर तुटून पडल्याचं पाहायला मिळालं. यात नवरदेवही मागे राहिला नाही.

उत्तर प्रदेशातील हमीरपूर येथे ही धक्कादायक घटना घडली आहे, जिथे सामूहिक विवाह सोहळ्यासाठी आलेल्या पाहुण्यांनी अक्षरश: खूप गोंधळ घातला. चिप्सच्या पाकिटासाठी ते भिडले, एकमेकांच्या जीवावर उठले. याच दरम्यान हाणामारी देखील झाली. लोक चिप्सच्या बॉक्ससाठी, पाकिटासाठी एकमेकांना मारू लागले.

यूपी –
जिला हमीरपुर में UP सरकार ने 380 जोड़ों की शादी करवाई। यहां चिप्स और नाश्ते का सामान पाने के लिए मारामारी मच गई। pic.twitter.com/4drPvXYlhh

— Sachin Gupta (@SachinGuptaUP) November 26, 2025

लग्न मंडपातच चेंगराचेंगरी झाली. लोक मिळेल ते चिप्सचं पाकिट घेऊन पळत होते. हा सामूहिक विवाह कार्यक्रम हमीरपूरच्या राठी शहरात आयोजित करण्यात आला होता. पाहुण्याच्या या कृतीने कार्यक्रमाची वाट लागली. चिप्स आणि स्नॅक्सवरून इतकी हाणामारी झाली की उकळता चहा एका मुलीच्या अंगावर सांडला.

सोशल मीडियावर हा व्हिडीओ सध्या तुफान व्हायरल होत आहे. यानंतर आयोजकांवर प्रश्न उपस्थित केले जात आहेत. लग्नातील पाहुण्यांसाठी अन्नपदार्थांची सोय करण्यात आल्याचं काही लोकांनी म्हटलं आहे. तर काहींनी नीट व्यवस्था नसल्याने गोंधळ उडाल्याचं सांगितलं. या लग्नसोहळ्याची सर्वत्रच जोरदार चर्चा रंगली आहे.