अहमदाबाद : डेंगूने आजारी असलेल्या महिलेवर (२१) येथील अपोलो हॉस्पिटलमध्ये डॉक्टर आणि वॉर्डबॉयने गुरुवारी बलात्कार केल्याची घटना घडली. मूळचा पाकिस्तानचा असलेला डॉक्टर राजेश चौहान आणि वॉर्डबॉय चंद्रकांत वणकर यांना गांधीनगर पोलिसांनी अटक केली.
बलात्काराचा प्रकार इंटेन्सिव्ह केअर युनिटमध्ये (आयसीयु) घडला. या महिलेलेने अत्याचार झाल्याची तक्रार अदलाज पोलिसांकडे दिली होती. त्यानंतर, दोन दिवसांनी आरोपींना अटक झाली. पोलिसांनी दिलेल्या माहितीनुसार राजेश चौहान हा मूळचा पाकिस्तानातील सिंध प्रांताचा रहिवासी. तो प्रदीर्घ काळच्या व्हिसावर येथे राहतो आहे.
बलात्काराच्या प्रथमदर्शनी पुराव्यांवरून चौहान व वणकर यांना अटक करण्यात आली. कार्यकारी दंडाधिकाऱ्यांच्या उपस्थितीत हॉस्पिटलमध्ये घेण्यात आलेल्या ओळखपरेड पीडित महिलेने त्या दोघांना ओळखले. पीडितेच्या गुप्तांगावर जखमांच्या खुणा आहेत. आम्ही तिची वैद्यकीय अवस्थेची तपासणी करून नमुने न्यायवैद्यक तपासासाठी पाठविले आहेत, असे वरिष्ठ पोलीस अधिकाऱ्याने सांगितले. ही महिला बेशुद्ध असताना तिच्यावर दोनवेळा बलात्कार झाला, असे पोलिसांनी सांगितले.