संक्षिप्त

स�

��क्षिप्त

रस्त्यावरील मंडपांवर कारवाईच नाही
नागपूर : प्रतापनगर तसेच गोपालनगर परिसरात अनेक ठिकाणी विविध कार्यक्रमांसाठी रस्त्यांवर मंडप टाकण्यात येतात. विनापरवानगी टाकण्यात येणाऱ्या या मंडपांमुळे रहदारीचा खोळंबा होतो. पोलीस व महानगरपालिका प्रशासन याकडे दुर्लक्ष करत असल्याचा आरोप नागरिकांनी केला आहे.

इसासनी ते बर्डी बससेवा वाढवा
नागपूर : इसासनी ते बर्डी या मार्गावर प्रवास करणाऱ्या नागरिकांची संख्या मोठ्या प्रमाणात आहेत. परंतु स्टार बसच्या फेऱ्या मात्र हव्या त्या संख्येने होत नाही. त्यामुळे या मार्गावर बसफेऱ्या वाढविण्यात याव्यात, अशी मागणी नागरिकांकडून करण्यात येत आहे.

रस्ता दुरुस्तीची मागणी
नागपूर : रेशीमबाग चौक ते क्रीडा चौक दरम्यान रस्त्याचे डांबरीकरण उखडल्यामुळे वाहनचालकांना अडचणीचा सामना करावा लागतो. येथील खड्ड्यांमुळे अपघाताचादेखील धोका निर्माण झाला आहे. हा रस्ता त्वरित दुरुस्त करण्यात यावा, अशी मागणी करण्यात येत आहे.

रहिवासी भागात स्वच्छता हवी
नागपूर : शहरात दिवसेंदिवस घाणीचे साम्राज्य वाढत असून प्रशासनाचे प्रयत्न अपुरे पडत असल्याचे दिसून येत आहे. खामला भाजी बाजार परिसराजवळ अनेक ठिकाणी उघड्यावरच कचरा फेकण्यात येतो. हा रहिवासी भाग असून प्रशासनाने याची तत्काळ दखल घ्यावी अशी मागणी नागरिकांनी केली आहे.