कुंकी चौधरीच्या आईची हिमंता सरमांविरुद्ध तक्रार, अपमानजनक टिप्पणी केल्याचा आरोप

Assam Assembly Election 2026: आसाम जातीय परिषदेच्या (एजेपी) उमेदवार कुंकी चौधरी यांच्या मातोश्री सुजाता गुरुंग चौधरी यांनी आसामचे मुख्यमंत्री हिमंता बिस्वा सरमा यांच्यावर विधानसभा निवडणूक प्रचारादरम्यान खोटे, निराधार व द्वेषपूर्ण विधान केल्याचा आरोप करीत राष्ट्रीय महिला आयोगाकडे तक्रार केली आहे.

गुवाहाटी  : आसाम जातीय परिषदेच्या (एजेपी) उमेदवार कुंकी चौधरी यांच्या मातोश्री सुजाता गुरुंग चौधरी यांनी आसामचे मुख्यमंत्री हिमंता बिस्वा सरमा यांच्यावर विधानसभा निवडणूक प्रचारादरम्यान खोटे, निराधार व द्वेषपूर्ण विधान केल्याचा आरोप करीत राष्ट्रीय महिला आयोगाकडे तक्रार केली आहे.

चौधरी यांनी ११ एप्रिल रोजी दाखल केलेल्या तक्रारीत दावा केला की सरमा यांची विधाने त्यांना बदनाम करण्यासाठी व गुवाहाटी सेंट्रलमधून असम जातीय परिषद उमेदवाराला राजकीयदृष्ट्या लक्ष्य करण्यासाठी केलेली होती. खोटा प्रचार करून लोकांना भडकावण्याचा प्रयत्न मुख्यमंत्री करीत असल्याचे नमूद करून कारवाईची मागणी या तक्रारीत करण्यात आली आहे. 

दरम्यान, सरमा यांनी या तक्रारीबाबत अद्याप कोणतीही प्रतिक्रिया दिलेली नाही. २ एप्रिल रोजी भाजप नेते सरमा यांनी दावा केला होता की सुजाता चौधरी यांनी काही आक्षेपार्ह पोस्टच्या माध्यमातून वादग्रस्त टिप्पणी केली होती. यामुळे सनातनी विचारांच्या लोकांच्या भावना दुखावल्या गेल्या आहेत. 

आसाममध्ये १२६ विधानसभा जागांसाठी ९ एप्रिल रोजी मतदान झाले आहे. यादरम्यान, प्रचारकाळात झालेल्या आरोपांवरून कुंकी चौधरी यांनी महिला आयोगाकडे तक्रार दाखल केली आहे.