ऑनलाइन लोकमतनवी दिल्ली, दि. 22 - टेक्नॉलॉजीमध्ये आघाडीची कंपनी असलेल्या अॅपलनं iPhone 7 आणि iPhone 7 Plusचे स्पेशल एडिशन लाँच केले आहेत. अॅपलचे हे आयफोन लूकला एकदम भारी आहेत. अॅपलच्या या आयफोनचे रेड कलरमध्ये स्पेशल एडिशन उपलब्ध आहे.
नव्या iPhone 7 आणि iPhone 7 Plusची बॉडी ही अॅल्युमिनियमयुक्त आहे. या आयफोनची विक्री 24 मार्चपासून सुरू होणार आहे. मात्र दोन्ही फोनच्या फीचर्समध्ये काहीच बदल करण्यात आला नाही. दोन्ही आयफोन हे जवळपास सारखेच आहेत. विशेष म्हणजे अॅपलच्या iPhone 7 Plus रेड कलरमध्ये स्पेशल एडिशनची किंमत 82 हजारांच्या घरात राहणार आहे. कंपनीनं अद्यापही iPhone 7 ची किंमत जाहीर केलेली नाही. iPhone 7 आणि iPhone 7 Plus हे जगभरातल्या अॅपलच्या अधिकृत पुनर्विक्रेत्यांकडे उपलब्ध असतील. तसेच आयफोन 7 ब्लॅक, सिल्व्हर, गोल्ड आणि रोज रेड कलरमध्येही उपलब्ध असेल. या आयफोनमध्ये वापरकर्त्यांसाठी अनुकूल सॉफ्टवेअर देण्यात आले असून, टॅक्स कपातीसंदर्भातही या आयफोनवर मार्गदर्शन मिळणार आहे.
अॅपलचे iPhone 7 आणि iPhone 7 Plus हे दोन्ही स्पेशल एडिशन भारतात एप्रिलच्या दुस-या आठवड्यात लाँच होणार आहेत. मात्र 24 मार्चपासून हे आयफोन्स अमेरिकेसह 40 देशांमध्ये उपलब्ध होणार आहेत. यात ऑस्ट्रेलिया, बेल्जियम, कॅनडा, चीन, फ्रान्स, जर्मनी, हाँगकाँग, इटली, जपान, मॅक्सिको, नेदरलँड, न्यूझीलंड, रशिया, सिंगापूर, दक्षिण कोरिया, स्पेन, स्वीडन, स्वित्झर्लंड, तैवान, थायलंड, इंग्लंड, अरब आमिरातीतील देशांचा समावेश आहे.
आयफोन 7 आणि आयफोन 7 प्लसमधला नव्या लाल रंगातील स्पेशल एडिशनचा हँडसेट फक्त 128 आणि 256 जीबी स्टोरेजमध्ये उपलब्ध आहे. ज्याची किंमत 48 हजारांपासून सुरू होते.
या लाल रंगाच्या आयफोनची प्री-ऑर्डर बुकिंग 24 मार्चला भारतीय वेळेनुसार रात्री 8.30 वाजता सुरू होणार आहे. आईफोन 7 प्लसमध्ये 128 जीबीच्या मोबाईलची किंमत 56 हजारांएवढी असणार आहे. तर 256 जीबीच्या मॉडलची किंमत 63 हजारांपर्यंत असणार आहे.