Air India Plane Crash News: प्रवासासाठी सुरक्षित म्हणून ओळखले जाणारे एअर इंडियाचे बोईंग ७८७ ड्रीमलाईनर विमानच कोसळले. गुजरातमधील अहमदाबादमध्ये गुरुवारी (१२ जून) दुपारी ही घटना घडली. या घटनेत मोठी जीवितहानी झाली आहे. समोर आलेल्या माहितीनुसार, अपघात झालेल्या ठिकाणांहून आतापर्यंत १०० मृतदेह मिळाले आहेत. तर वसतिगृहातील सहा विद्यार्थ्यांचे मृतदेह बाहेर काढण्यात आले आहेत.
'लोकमत'चं WhatsApp चॅनल फॉलो करा!
अहमदाबादमधील सरदार वल्लभभाई पटेल आंतरराष्ट्रीय विमानतळावरून विमानाने उड्डाण केले होते. त्यानंतर मेघानीनगर भागात असलेल्या वैद्यकीय महाविद्यालयाच्या वसतिगृहावरच हे विमान कोसळले. यात विमान कोसळल्यानंतर मोठा स्फोट झाला. त्यामुळे अनेक प्रवाशांचा होरपळून मृत्यू झाला आहे.
मृतदेह बाहेर काढताना अडचणी
विमान खाली कोसळले आणि वेगात इमारतीला जाऊ धडकले. त्यानंतर एक मोठा स्फोट झाला. घटनेनंतर विमान आगीच्या गोळ्यासारखेच झाले होते. आग इतकी भडकी होती इतका होता की, अनेक जण होरपळले गेले. मिळालेल्या माहितीनुसार, घटनास्थळावरून १०० पेक्षा अधिक मृतदेह बाहेर काढण्यात आले आहे.
वाचा >>विजय रुपाणींचा विमानात बसलेला फोटो समोर आला; पंतप्रधान नरेंद्र मोदी अहमदाबादकडे रवाना
विमानाच्या सांगड्यात माणसांचे मृतदेह होरपळल्याने अडकले. त्यामुळे ते बाहेर काढण्यास प्रचंड अडचणी येत असल्याचे सांगण्यात आले. सध्या युद्ध पातळीवर या ठिकाणी मदत व बचाव कार्य सुरू आहे. काही मृतदेह रस्त्यावर पडलेले दिसले.
हातगाड्यांनी मृतदेह आणले रुग्णालयात
अचानक इतकी मोठी घटना घडल्यानंतर अहमदाबाद सिव्हिल रुग्णालयात स्ट्रेचरचा तुटवडा निर्माण झाला आहे. हातगाड्यांच्या मदतीने काही मृतदेह रुग्णवाहिका आणि रुग्णालयापर्यंत आणण्यात आले.
वसतिगृहाच्या चार इमारतींना धडकले विमान, ६ जणांचे मृतदेह मिळाले
एअर इंडियाचे विमान अहमदाबाद सिव्हिल रुग्णालयाच्या वसतिगृहाला धडकले. तब्बल चार इमारतींना हे विमान धडकले. या वसतिगृहात निवासी डॉक्टर राहत होते.
ज्यावेळी ही घटना घडली, त्यावेळी ५० ते ६० विद्यार्थी डॉक्टर वसतिगृहात होते. यातील बहुतांश वसतिगृहाच्या मेसमध्ये जेवण करत होते. ६ विद्यार्थी डॉक्टरांचे मृतदेह रुग्णालयात आणण्यात आले आहेत. या घटनेत काही जणांच्या मृतदेहांचे तुकडे झाल्याची माहिती आहे.