बिहार निवडणुकीच्या पार्श्वभूमीवर तेज प्रताप यांना वाय प्लस सुरक्षा, गृह मंत्रालयाने घेतला मोठा निर्णय

केंद्र सरकारने जनशक्ती जनता दलाचे संस्थापक तेज प्रताप यादव यांना वाय-प्लस सुरक्षा प्रदान केली आहे. गृह मंत्रालयाच्या आदेशानंतर, सीआरपीएफ सुरक्षा पथक त्यांना सुरक्षा देणार आहे.

बिहारमध्ये विधानसभा निवडणुकांची रणधुमाळी सुरू आहे. या निवडणुकांच्या पार्श्वभूमीवर माजी केंद्रीय मंत्री लालू प्रसाद यादव यांचे मोठे पुत्र आणि जनशक्ती जनता दलाचे संस्थापक तेज प्रताप यादव यांना केंद्र सरकारने वाय-प्लस सुरक्षा दिली आहे. गृह मंत्रालयाच्या आदेशानंतर, CRPF सुरक्षा पथक त्यांना सुरक्षा देईल. हे सुरक्षा कवच तेज प्रताप यादव यांना VIP संरक्षण यादी अंतर्गत दिली जाते. सुरक्षा एजन्सींनी काही दिवसापूर्वी सुरक्षेबाबत एक विशेष अहवाल सादर केला होता. त्यानंतर हा निर्णय घेण्यात आला.

तेज प्रताप यादव यांनी काही दिवसापूर्वी निवडणूक आयोगाला भेट दिली होती, हे प्रकरण प्रत्यक्षात श्याम किशोर चौधरीशी संबंधित असल्याचे त्यांनी स्पष्ट केले. त्यांना पक्षाचे चिन्ह देण्यात आले होते, पण त्यांनी महाआघाडी आणि व्हीआयपी अध्यक्ष मुकेश साहनी यांना न विचारता पाठिंबा स्वीकारला होता. श्याम किशोर यांचे उमेदवारी अर्ज रद्द करण्यासाठी त्यांनी या मुद्द्याबाबत आयोगाकडे संपर्क साधला होता.

TET Exam: नियुक्ती वेळी पात्रता नव्हती म्हणून सेवेतून काढता येणार नाही; टीईटी उत्तीर्ण शिक्षकांच्या प्रकरणात सुप्रीम कोर्टाचा निकाल

तेज प्रताप म्हणाले की, आयोगाने त्यांना त्यांच्या पक्षाच्या लेटरहेडवर लेखी तक्रार सादर करण्यास सांगितले आहे जेणेकरून कारवाई करता येईल. सुरक्षेबाबत ते म्हणाले की, बिहारमधील परिस्थिती अशी आहे की हल्ला कधी आणि कुठे होऊ शकतो हे अनिश्चित आहे. त्यामुळे त्यांनी केंद्र सरकारकडून सुरक्षा वाढवण्याची मागणी केली.

वाय-प्लस श्रेणीतील सुरक्षा अशी असेल

या प्रकारच्या सुरक्षेमध्ये ११ सशस्त्र पोलिस कमांडो, व्हीआयपींच्या घराभोवती आणि त्यांच्या सुरक्षेसाठी तैनात असलेले पाच पोलिस कर्मचारी आणि तीन शिफ्टमध्ये सुरक्षा प्रदान करणारे सहा पीएसओ यांचा समावेश आहे.

तेज प्रताप यादव बिहारमधील महुआ मतदारसंघातून निवडणूक लढवत आहेत, तिथे मतदानाचा पहिला टप्पा आधीच पूर्ण झाला आहे. दरम्यान, तेज प्रताप यांनी बिहार विधानसभा निवडणुकीसाठी त्यांच्या राजकीय रणनीतीबाबत एक मोठे विधान केले आहे. त्यांनी रोजगार देणाऱ्या आणि  स्थलांतर थांबवणाऱ्या  आणि बिहारमध्ये खरा बदल घडवून आणणाऱ्या कोणत्याही सरकारला पाठिंबा देईल असे त्यांनी जाहीर केले.

या विधानामुळे राजकीय वर्तुळात खळबळ उडाली आहे, कारण निवडणूक निकालानंतर संभाव्य युतीचा संकेत म्हणून याकडे पाहिले जात आहे. भविष्यात ते स्वतः मुख्यमंत्रिपदाच्या शर्यतीत उतरू शकतात का असे विचारले असता, तेज प्रताप हसले आणि म्हणाले, "बघा, ही नंतरची बाब आहे. जनताच मालक आहे; जनताच बनवते सर्व काही जनतेच्या हातात आहे.