१८... गुन्हे

वलनी येथे घरफोडी
नागपूर : खापरखेडा पोलीस ठाण्याच्या हद्दीतील वलनी येथे घरफोडी झाल्याची घटना सोमवारी सायंकाळी ५.३० वाजताच्या सुमारास घडली. या प्रकरणी खापरखेडा पोलिसांनी दोन विधी संघर्षग्रस्त बालकांना अटक केली.
या दोन्ही विधी संघर्षग्रस्त बालकांनी फिर्यादी कामाख्या नारायण रॉय (५०, रा. वलनी, ता. सावनेर) यांच्या घराच्या मागच्या दाराची पाटी काढून आत प्रवेश केला. या या दोघांनीही घरातील कपाटात ठेवलेले २५०० रुपये रोख व सोन्याचांदीचे दागिने असा एकूण ४८ हजार ४०० रुपये किमतीचा मुद्देमाल घेऊन पळून गेले. या प्रकरणी खापरखेडा पोलिसांनी भादंवि ४५४, ४५७, ३८० अन्वये गुन्हा नोंदवून तपास सुरू केला आहे.
***
मानवी सांगाडा आढळला
नागपूर : कामठी पोलीस ठाण्याच्या हद्दीतील खैरी शिवारात बुधवारी सकाळी ११ वाजताच्या सुमारास मानवी सांगाडा आढळल्याने खळबळ उडाली. या प्रकरणी कामठी पोलिसांनी गुन्हा नोंदवून तपास सुरू केला आहे.
***