कांबळे याच्या क्रूरतेने सारेच हादरले

पाठीमागून लाथ मारल्याने जमिनीवर पडलेला विद्यार्थी वेदनेने विव्हळत असतानाच दुसऱ्या विद्यार्थ्याला पलंगावरून फेकून दिल्याने तोही जखमी झाला. एवढ्यावरच तो कर्मचारी थांबला नाही तर त्याने एका विद्यार्थ्याच्या कानशिलात मारल्याने त्याच्या कानाचा पडदाच फाटला. लघुशंकेसाठी उभ्या असलेल्या एकाच्या पाठीत लाथ घालून त्यालाही जखमी करण्यात आले. कर्मचाºयाच्या क्रूरतेबाबत पीडित विद्यार्थ्यांनी अनेक घटना सांगितल्याने सभापतींसह सारेच हादरले.

ठळक मुद्देअंध विद्यार्थी मारहाण प्रकरण : सभापतींसमोर कथन केली आपबिती

नाशिक : पाठीमागून लाथ मारल्याने जमिनीवर पडलेला विद्यार्थी वेदनेने विव्हळत असतानाच दुसऱ्या विद्यार्थ्याला पलंगावरून फेकून दिल्याने तोही जखमी झाला. एवढ्यावरच तो कर्मचारी थांबला नाही तर त्याने एका विद्यार्थ्याच्या कानशिलात मारल्याने त्याच्या कानाचा पडदाच फाटला. लघुशंकेसाठी उभ्या असलेल्या एकाच्या पाठीत लाथ घालून त्यालाही जखमी करण्यात आले. कर्मचाºयाच्या क्रूरतेबाबत पीडित विद्यार्थ्यांनी अनेक घटना सांगितल्याने सभापतींसह सारेच हादरले.अंध विद्यार्थ्यांना मारहाण झाल्याचा प्रकार समोर आल्यानंतर बुधवारी समाजकल्याण सभापती सुनीता चारोस्कर यांनी त्या पीडित विद्यार्थ्यांची भेट घेतली. यावेळी विद्यार्थ्यांनी त्यांच्यासमोर अत्याचाराचा पाढा वाचला. यावेळी सभापती चारोस्कर यांनी पीडित विद्यार्थ्यांशी चर्चा केल्यानंतर कांबळे यांच्या क्रूरतेची अनेक प्रकरणे समोर आली. येथील शासकीय अंध शाळेत एकूण ३५ निवासी विद्यार्थी शिक्षण घेत असून त्यांची काळजी घेण्यासाठी काळजीवाहक कर्मचारी संदीप कांबळे याची नेमणूक करण्यात आलेली आहे.मात्र काळजीवाहकानेच या विद्यार्थ्यांना अमानुष मारहाण केल्याने विद्यार्थ्यांच्या सुरक्षिततेचा मुद्दा पुढे आला आहे. यावेळी सुदाम पावसे या विद्यार्थ्याने घडलेल्या प्रकरणाची माहिती सभापतींना दिली. या मारहाणीत पावसे याच्या डोक्याला बॅट लागल्याने तो जखमी झाला आहे. सागर मुरकुटे याच्या कानशिलात लगावल्याने त्याच्या कानाचा पडदा फाटल्याने त्याला ऐकू येत नसून त्याचे पालक त्याला घरी घेऊन गेले आहेत. यावेळी येथे उपस्थित सर्वच विद्यार्थ्यांनी कांबळे याच्या दहशतीचे किस्से सांगितले.कांबळे याने विद्यार्थ्यांना लघुशंका कारताना वारंवार लाथा मारणे, पलंगावरून फेकून देणे, रोज दारू पिऊन धिंगाणा घालणे, संगणकावर पिक्चर पाहत बसणे, जातिवाचक शिवीगाळ करणे आदी गंभीर आरोप विद्यार्थांनी केले आहेत. विशेष म्हणजे हा सारा प्रकार विद्यार्थी सांगत असताना अंधशाळेच्या अधीक्षक वाझट यांंनी मात्र आपणास याबाबत काहीच माहिती नसल्याचे सांगितले. वाझट या शासकीय निवासस्थानी न राहाता मुंबईनाका येथे राहात असल्याचेही समोर आले. याप्रकरणी सुनीता चारोस्कर यांनी संबंधित कर्मचाºयाला तत्काळ बडतर्फ करण्याची सूचना केली आहे. याप्रकरणी स्वत: लक्ष घालून संबंधितावर कठोर कारवाई करणार असल्याचे सांगितले. यावेळी जिल्हा परिषद सदस्य ज्योती जाधवही उपस्थित होत्या.माहिती दडविलीसमाजकल्याणचे अधिकारी नीलेश पाटील यांनी या प्रकरणाची चौकशी केली होती. मात्र त्यांनी सभापतींना कोणतीही माहिती न देता परस्पर मुंबईला निघून गेले. याबाबत त्यांनाही विचारणा करण्यात येणार असल्याचे सभापती चारोस्कर यांनी सांगितले.