रोटरी क्लबकडून मुलींना सायकल

रोटरी क्लबकडून मुलींना सायकल

सिन्नर : येथील रोटरी क्लबच्या वतीने तालुक्यातील डुबेरे येथील जनता विद्यालयातील गरजू विद्यार्थिनींना सायकलींचे वाटप करण्यात आले. आटकवडे येथील प्राथमिक शाळेस पाण्याची टाकी भेट देण्यात आली.डुबेरे येथील मराठा विद्याप्रसारक समाज संस्थेच्या जनता विद्यालयातील गरजू व गरीब मुलींना सायकलींचे वाटप करण्यात आले. या निमित्त विद्यालयात विविध कार्यक्रमांचे आयोजन करण्यात आले होते. नारायण वाजे यांच्या अध्यक्षतेखाली झालेल्या कार्यक्रमात व्यासपीठावर प्रमुख पाहुणे म्हणून रोटरी क्लबचे अध्यक्ष अनिल काळे, प्रमोद सिंग, रोमनाथ वाघ, राजेश वाजे, मनोज गुंजाळ, किरण वाघ, किरण भंडारी, प्रा. शेखर बर्वे, शाळा समितीचे अध्यक्ष रघुनाथ वारुंगसे, अरुण वारुंगसे, रामनाथ पावसे, शरद माळी, अशोक गवळी, पी. जी. सोनवणे आदि उपस्थित होते. यावेळी वर्षा गावंडे, रोहिणी सोनवणे विद्यार्थिनींना मोफत सायकलींचे वितरण करण्यात आले. तसेच विद्यालयास एक हजार लिटर क्षमतेची पाण्याची टाकी भेट देण्यात आली. मान्यवरांच्या हस्ते विद्यालयाच्या आवारात वृक्षारोपण करण्यात आले. आटकवडे येथील प्राथमिक शाळेतील विद्यार्थ्यांना पिण्याच्या पाण्यासाठी रोटरी क्लबच्या वतीने एक हजार लिटर क्षमतेची टाकी भेट म्हणून देण्यात आली. तसेच विद्यालयास विविध वृक्षांचे रोप देण्यात आले. शाळेच्या वतीने आवारात वृक्षारोपण करण्यात आले. (वार्ताहर)