पोलिसांनी टाकलेल्या धाडीत ८० हजार रुपये किंमतीचे एकुण एक हजार लीटर बायोडिझल एका पांढऱ्या चौकोनी टाकीत आढळून आले. तसेच दोन लाख ३२ हजार ८०० रूपये किंमतीचे एक टाटा कंपनीचे चारचाकी वाहन त्यात ४०० लीटर बायोडिझल ३२ हजार ८०० रुपये किमतीचे तसेच एक चारचाकी वाहन क्रमांक जी.जे 0१ डी.यु ५६९४, चार चाकी वाहनावरील मिनि टँकर असा एकूण तीन लाख १२ हजार आठशे रुपये किमतीचा मुद्देमाल जप्त केला आहे.
पोलिसांनी धाड टाकल्यानंतर अटक केलेल्या चौघांची चौकशी केली असता सदर बायोडीजल विक्रीचा त्यांच्याकडे कुठलाही अधिकृत परवाना नसतांना अवैधरित्या बायोडिडालचा साठा करून तो विक्री करण्याचा उद्देशाने साठवणूक करण्यात आला याची खात्री झाल्यानंतर पोलिसांनी सर्व मुद्देमाल जप्त करून शहादा पोलीस ठाण्यात गुन्हा नोंदविला आहे.
याबाबत शहादा पोलीस ठाण्यात पोलीस कर्मचारी मुकेश ओकारसिंग राठोड याच्या फिर्यादीवरून समीर हारुनभाई खिमानी, जितेश शांतीलाल खंडेलवाल, गणेश मधुकर वाडेकर, संजय गुलाबराब निकम, रा.सोनवद ता.शहादा अशा चार संशयित विरोधात जीवनावश्यक वस्तू कायदा कलमान्वये गुन्हा नोंदविण्यात आला असून पुढील तपास पोलीस निरीक्षक दीपक बुधवंत करीत आहेत.
चारही संशयितांना अटक केल्यानंतर पोलिसांनी शहादा येथील प्रथमवर्ग न्यायालयात हजर केले असता न्यायालयाने चौघांना ३१ मे सोमवार पर्यंत पोलीस कोठडीत ठेवण्याचे आदेश दिले आहेत.
चौकट
सदर बायोडिझेल हे गुजरात राज्यातून शहादा येथे आणून ते प्रतिलिटर ८० रुपये या दराने विक्री केले जात होते अशी माहिती प्राथमिक तपासात निष्पन्न झाले असून यामागे एक मोठे रॅकेट कार्यरत असण्याची शक्यता वर्तविली जात आहे. गेल्या दीड वर्षांपूर्वी पोलीस व महसूल विभागाने शहादा येथील अनधिकृत बायोडिझेल पंपावर कारवाई केली होती. त्यानंतर पुन्हा हा उद्योग शहरात सुरू झाला असून या मागील सर्व मुख्य सूत्रधार यांना कारवाई करण्यात यावी अशी मागणी जोर धरत आहे.