संघटनेच्या माध्यमातून राष्ट्रीय समाजकार्य शिक्षण परिषद विधेयक २०२१ याविषयाबाबत व्यावसायिक समाजकार्याचे शिक्षण घेणाऱ्या विद्यार्थ्यांमध्ये जनजागृती व्हावी या सोशल वर्क स्टुडन्ट फाऊंडेशन महाराष्ट्र संघटनेचे संस्थापक तुषार जाधव यांच्या संकल्पनेतून राज्यस्तरीय ऑनलाईन परिसंवादाचे आयोजन ६ मे २०२१ या दिवशी सकाळी ११ वाजता करण्यात आले होते.
या वेळी प्रमुख वक्ते म्हणून डॉ. बाबासाहेब आंबेडकर समाजकार्य महाविद्यालय, मोराणेचे प्राचार्य डॉ. जालिंदर अडसुळे, निर्मला निकेल समाजकार्य महाविद्यालय, मुंबईच्या निवृत्त प्राध्यापक डॉ. हेलन जोसेफ उपस्थित होत्या. अध्यक्षस्थानी महात्मा फुले समाजकार्य महाविद्यालय, तळोदाचे प्राचार्य धनंजय माळी होते. प्रमुख पाहुणे म्हणून प्रा. रचना अडसुळे, सोशल वर्क स्टुडंट फाऊंडेशनचे संस्थापक अध्यक्ष तुषार जाधव, महाराष्ट्राचे प्रदेशाध्यक्ष साजिद शेख उपस्थित होते.
या वेळी बोलताना डॉ. अडसुळे असे म्हणाले की, समाजकार्य शिक्षणाला व्यावसायिक दर्जा देण्यात केंद्र शासनाची भुमिका महत्त्वाची आहे. तसेच सद्य:स्थितीत भारतात ५०० पेक्षा अधिक समाजकार्य शैक्षणिक संस्था असून, विविध क्षेत्रात पाच लाखाहून अधिक व्यावसायिक समाजकार्यकर्ते कार्यरत आहेत. जे आपले ज्ञान, मूल्य व कौशल्यपूर्ण शिक्षणाच्या आधारे योगदान देत आहे. समाजकार्य शिक्षणाला व्यावसायिक शिक्षणाचा दर्जा प्राप्त होण्यासाठी आणि समाजकार्यकर्त्याची व्याख्या निश्चित करण्यासाठी राष्ट्रीय समाजकार्य शिक्षण परिषद विधेयकाची आवश्यकता आहे. या परिसंवादामध्ये संपूर्ण महाराष्ट्रातून व्यावसायिक समाजकार्यकर्ते, प्राध्यापक व विद्यार्थी सहभागी झाले होते.
या वेळी महात्मा फुले समाजकार्य महाविद्यालय, तळोदा प्राचार्य डॉ. धनंजय माळी म्हणाले की, विधेयक अमलात आणण्यासाठी समाजकार्याच्या प्राध्यापक व समाजकार्य शिक्षणाशी निगडित व्यक्तींनी एकत्र यायला हवे. सोशल वर्क स्टुडन्ट फाऊंडेशन महाराष्ट्र संघटनेच्या माध्यमातून विधेयक अमलात आणण्यासाठी खूप चांगल्या पध्दतीने प्रयत्न केले जात आहेत.
परिसंवादात प्रा. सुनीता पाटील, नाशिक जिल्हाध्यक्ष शिवम जाधव, नंदुरबारचे जिल्हाध्यक्ष प्रा. रामचंद्र परदेशी, ठाणे जिल्हाध्यक्ष संतोष खरात, वर्धा जिल्हाध्यक्ष अविनाश चव्हाण उपस्थित होते. कार्यक्रमासाठी शाहिद शेख आदींनी प्रयत्न केले.