नंदुरबार : रेशन कार्ड व रेशनचा माल मिळण्याबाबत नेहमीच ओरड असते. ही बाब लक्षात घेता आता ‘मेरा रेशन’ ॲप विकसीत करण्यात आले असून त्याद्वारे एका क्लीकवर रेशनकार्डची माहिती उपलब्ध होणार आहे. त्यासाठी मात्र रेशनकार्ड अपडेट व केवायसी केलेले असणे आवश्यक आहे.
जिल्ह्यात रेशनकार्डची नुकतीच ईकेवायसी मोहीम राबिवण्यात आली. शिवाय ॲानलाईन करण्यात आले. आता एक लाखापेक्षा अधीक उत्पन्न असणारे रेशनकार्ड रद्द करून ते सफेद रेशनकार्ड होणार आहेत. त्यासाठीची मोहिम सुरू करण्यात आली आहे. अनेक कुटूंबांना आपल्या रेशनकार्डविषयी माहिती नसते. त्यामुळे त्याचा लाभ घेता येत नाही. ही बाब लक्षात घेता आता शासनाने मेरा रेशन हे ॲप विकसित केले आहे. त्याद्वारे माहिती तर जाणून घेता येईलच शिवाय तक्रारी, त्याची सोडवणूक झाली किंवा कशी याचीही माहिती घेता येणार आहे. त्यासाठी हे ॲप डाऊनलोड करावे लागणार आहे.
n रेशनधान्याविषयी, रेशन दुकानदाराविषयी किंवा इतर बाबींची काही तक्रार असल्यास ती ॲपद्वारे दिलेल्या मार्गदर्शक प्रणालीने नोंदविता येणार आहे.
n केलेल्या तक्रारीचे अपडेट मिळणार असून ती कधी सोडविली गेली, सोडविली गेली असेल तर कशी सोडविली गेली याचीही माहिती मिळणार आहे.
n ॲप डाऊनलोड केल्यावर त्यात विविध माहिती घरबसल्या मिळणार आहे. त्यामुळे अनेकांच्या दृष्टीने ते सोयीचे ठरणार आहे.
n लाभार्थींना मिळणारे धान्य, किती महिन्यात किती धान्य मिळाले, कोणते धान्य मिळाले.
n लाभार्थीच्या जवळपास असलेले रास्तभाव दुकान. शिधापत्रिका पात्र की अपात्र यासह इतर माहिती रेशनकार्ड धारकाला सहज उपलब्ध होणार आहे. त्यासाठी रेशनकार्ड अपडेट असणे गरजेचे आहे.