क्षत्रिय मराठा युवा प्रतिष्ठान, नंदुरबार
नंदुरबार येथील क्षत्रिय मराठा युवा प्रतिष्ठान नंदुरबारतर्फे शिवजयंतीनिमित्त अभिवादन कार्यक्रम झाला. याप्रसंगी छत्रपती शिवाजी महाराजांच्या प्रतिमेचे पूजन भाजप जिल्हाध्यक्ष विजय चौधरी यांच्या हस्ते करण्यात आले. या वेळी उपनगराध्यक्ष रवींद्र पवार, नीलेश जगताप, भाजप सहकार सेल जिल्हाध्यक्ष भीमसिंग राजपूत, संदीप चौधरी, भाजप युवा मोर्चा जिल्हा उपाध्यक्ष युवराज राजपूत, भाजप युवा मोर्चा जिल्हा चिटणीस अश्विन सोनार, प्रवीण मराठे, मनीष चौधरी, देवा कासार, विशाल मराठे आदी उपस्थित होते.
छायाचित्र प्रदर्शन
शहादा येथील शिवछत्रपती ग्रुपच्या वतीने शिवजयंतीनिमित्त शहरातील मुख्य चौकात विद्यार्थ्यांनी शिवछत्रपती शिवाजी महाराजांच्या रेखाटलेल्या छायाचित्र प्रदर्शनाचे आयोजन करण्यात आले होते. या प्रदर्शनाचे उद्घाटन नगराध्यक्ष मोतीलाल पाटील यांच्या हस्ते करण्यात आले. यावेळी शहादा उपविभागीय पोलीस अधिकारी श्रीकांत घोगरे, श्याम जाधव, उपनगराध्यक्षा रेखा चौधरी, शिवाजीराव पाटील, डॉ. किशोर पाटील आदी उपस्थित होते.
वरिष्ठ विज्ञान महाविद्यालय, शहादा
शहादा येथील विज्ञान वरिष्ठ महाविद्यालयात शिवजयंती निमित्ताने हिंदवी स्वराज्याचे संस्थापक छत्रपती शिवाजी महाराजांच्या प्रतिमेचे पूजन करण्यात आले. या वेळी प्रमुख पाहुणे म्हणून प्रा.शांताराम बडगुजर उपस्थित होते. त्यांनी विद्यार्थ्याना शिवाजी महाराजांचे जीवन चरित्र व पराक्रमाचा परिचय करून देतांना सांगितले की, शिवबा यांनी स्वराज्याची स्थापना करून महाराष्ट्रातील शेतकरी व सर्व सामान्य जनतेला न्याय व हक्काचे स्वराज्य स्थापन करून दिले, आता ह्या स्वराज्याला सुराज्य बनवण्याचे महान कार्य विद्यार्थ्यांच्या हाती आहे, असे सांगत कार्यक्रमाची सांगता केली. याप्रसंगी प्राचार्य शांताराम बडगुजर, आयएमआरडीचे डायरेक्टर अनिल पाटील, एन.एस.एस.चे कार्यक्रम अधिकारी प्रा.सोनाली पाटील, प्रा.इरफान पठाण, तसेच महाविद्यालयाचे प्रा. अनिल जगदाळे, प्रा.संदीप मराठे, प्रा.सचिन पाटील, प्रा.योगेश पाटील, प्रा.दीपक वळवी, प्रा.युगंधरा पाटील, प्रा.हर्षा भावसार, प्रा.सुवर्णा पाटील, प्रा.राजश्री वळवी व कर्मचारी सी.डी. भोपे, प्रफुल पाटील, प्रा.हरीश साळुंके, शिपाई राहुल पाटील, किशोर पाटील, गणेश पाटील, भरत धनगर व विद्यार्थी उपस्थित होते.
प्यारीबाई ओसवाल विद्यामंदिर, नंदुरबार
नंदुरबार येथील प्यारीबाई ओसवाल विद्यामंदिरात छत्रपती शिवाजी महाराज जयंती उत्साहात साजरी करण्यात आली. अध्यक्षस्थानी मुख्याध्यापक राहुल मोरे होते. प्रारंभी वेशभूषा करून आलेल्या विद्यार्थ्यांच्या हस्ते छत्रपती शिवाजी महाराज यांच्या प्रतिमेस माल्यार्पण करण्यात आले. त्यानंतर छत्रपती शिवाजी महाराजांविषयी शिक्षिका संगीता लोहार, मुख्याध्यापक राहुल मोरे यांनी शिवाजी महाराजांच्या पराक्रमाविषयी माहिती सांगितली. त्यानंतर वेशभूषा केलेले विद्यार्थ्यांसह शहरातील छत्रपती शिवाजी नाट्यमंदिर येथील छत्रपती शिवाजी महाराजांच्या पुतळ्यास अभिवादन करण्यात आले. शाळेने इयत्ता पहिली ते चौथीच्या विद्यार्थ्यांसाठी विविध स्पर्धांचे आयोजन केले होते. त्यात पोवाडे म्हणणे, किल्ले तयार करणे, जिजाऊ व शिवराय यांची वेशभूषा करणे, शिवाजी महाराजांविषयी निबंध लेखन इत्यादी विषय देण्यात आले होते. त्यात विद्यार्थ्यांनी मोठ्या संख्येने सहभाग नोंदविला. सूत्रसंचालन शशिकांत निकम तर आभार सुनील वानखेडे यांनी मानले. कार्यक्रमास सर्व शिक्षक, कर्मचारी उपस्थित होते.