अतिक्रमण धारकांना पालिकेतर्फे नोटीसा

लोकमत न्यूज नेटवर्कतळोदा : वाहतुकीस अडथळा ठरणाऱ्या शहरातील १५० अतिक्रमण धारकांना नगरपालिकेने नोटीसा बजाविल्या असून, तांत्रिक बाबी पूर्ण करून येत्या तीन दिवसात अतिक्रमण हटाव मोहिम हाती घेण्यात येणार असल्याचे पालिकेच्या सूत्रांनी सांगितले. दरम्यान बुधवारीदेखील रस्त्यावर अतिक्रमण करणाºया हातगाडीधाकांना पालिकेने समज देऊन पुन्हा लॉºया उभ्या केल्यास कडक कारवाई करण्याचा इशारा दिला आहे.शहरातील वाहतुकीस सातत्याने अडथळा ठरणाºया अतिक्रमणधारकांची अतिक्रमणे तातडीने हटविण्यासाठी नगरपालिकेने अतिक्रमण मोहिम राबविण्याचा निर्णय घेतला आहे. मेनरोड, बाजारपेठ, स्मारक चौक, कॉलेज रोड, बसस्थानक, हातोडा रोड अशा वेगवेगळ्या ठिकाणी मोठ्या प्रमाणात कच्चे व पक्के अतिक्रमणे पुढे आली आहेत. त्यामुळे ही अतिक्रमणे नेहमीच वाहतुकीस डोकेदुखी ठरत असून, या अतिक्रमण करणाºया व्यावसायिकांना पालिकेने आपले अतिक्रमण हटविण्यासाठी नोटीसा बजाविल्या आहेत. पालिकेच्या अधिकृत सूत्रांनुसार मिळालेल्या माहितीनुसार आता पावेतो जवळपास १५० अतिक्रमण धारकांना नोटीसा बजाविण्यात आल्या असल्याचे सांगण्यात आले.गेल्या मंगळवारपासून पालिका अतिक्रमण मोहिम राबविणार होती. परंतु काही तांत्रिक बाबींबरोबरच कायदेशीर बाबी व महाविद्यालय रस्त्यावरील अतिक्रमण धारकांची चौकशी करुन त्यांनाही आपले अतिक्रमण स्वत:हून काढण्याचा सवलतीच्या दृष्टीने मोहीम सुरू करता आली नसल्याचे सांगण्यात आले. परंतु ही कार्यवाही पूर्ण करून येत्या तीन दिवसात मोहीम हाती घेणार असल्याचेही पालिकेच्या सूत्रांनी सांगितले.दरम्यान, बुधवारी मात्र रस्त्यावर अतिक्रमण करणाºया हातगाड्या, लॉरीधारक यांना रस्त्यावरून हटविण्यासाठी पालिकेच्या कर्मचाऱ्यांनी त्यांना कडक समज दिली. यापुढे हातगाड्या उभ्या केल्यास कारवाई करण्याचा इशारादेखील दिला. याशिवाय पालिका मुख्याधिकारी सपना वसावे व बांधकाम अभियंता शंकर गावीत यांनी शहरातील बसस्थानक परिसर, कॉलेज रोड भागात जावून अतिक्रमणाबाबत पहाणी केली. त्यामुळे लवकरच अतिक्रमण रेषा आखण्याचे काम हाती घेण्यात येणार आहे. गेल्या आठवड्यात सुद्धा प्रांताधिकारी अविशांत पांडा, पोलीस निरीक्षक नितीन चव्हाण, मुख्याधिकारी वसावे यांनी पाहणी केली होती.४शहरातील अतिक्रमण हटविण्यासाठी नगरपालिका अतिक्रमण मोहीम हाती घेणार असली तरी वाहतुकीस सातत्याने डोकेदुखी ठरणाºया मोकाट गुरांचा प्रश्नही पालिकेने कायम स्वरुपी मार्गी लावावा, अशी मागणी जोर धरू लागली आहे. कारण ही मोकाट गुरे नेहमीच ज्या ठिकाणी भाजी विक्रेते बसतात अशा बसस्थानक व भाजीमार्केटच्या भागात बसतात. त्यामुळे वाहनचालक व मोठ्या वाहनांच्या वाहतुकीच्या कोंडीत भर पडत असते. पालिका अशा पशुपालकांवर कारवाई करीत नसल्याने त्यांचे फावत असून, बिनधास्तपणे हे पशुपालक आपली गुरे सोडून देत असतात. नंदुरबार पालिकेच्या धर्तीवर तळोदा पालिकेने कारवाई केली तर आपोआप मोकाट गुरांचा उपद्रव थांबले. मात्र यासाठी पालिकेने उदासिनता झटकण्याची आवश्यकता आहे.