उमराण जिल्हा परिषदेच्या गटात विविध विकास कामांचे उद्घाटन व भूमिपूजन आमदार शिरीषकुमार नाईक यांच्या हस्ते करण्यात आले. त्याप्रसंगी शिरिषकुमार नाईक बोलत होते. याच गटात आमदार शिरिषकुमार नाईक यांनी जिल्हा वार्षिक योजना अंतर्गत व सार्वजनिक बांधकाम विभाग, आदिवासी विकास अंतर्गत विकास कामे मंजूर केली. या वेळी जिल्हा परिषद सदस्य अजित नाईक, मधूकर नाईक, दारासिंग गावीत, दशरथ गावीत, प्रकाश नाईक, विनोद नाईक, राजेश कोकणी, गोरजी गावीत, मनोज वळवी, अजित वसावे, दिलीप वळवी, ईसाब गावीत, सरू महाराज, मोतीराम नाईक, नरपत वसावे, कृष्णा वसावे, जालमसिंग गावीत, राहूल नाईक आदी मान्यवर उपस्थित होते.
आमदार शिरिषकुमार नाईक यांनी जिल्हा वार्षिक योजना २०२०-२०२१ अंतर्गत उमराण जिल्हा परिषद गटासाठी विविध कामे मंजूर केली आहे. या वेळी उमराण गटातील जिल्हा परिषद सदस्य अजित नाईक, भरडू गटातील मधुकर नाईक नागरिकांच्या संपर्कात असून, ते गावातील भौतिक सुविधांवर लक्ष केंद्रीत करून गावाचा विकास करण्यास प्राधान्य देत असल्याने नागरिकांनी समाधान व्यक्त केले आहे.
अशी आहेत विकास कामे
जनसुविधांतर्गत पाचंबा, आमलाण, नवागांव येथे रस्ता काॅक्रिटीकरण, डोकारे येथील अंबे माता मंदिर परिसरात पेव्हर ब्लाॅक बसविणे व रस्ता काॅक्रिटीकरण करणे, किमान गरजा कार्यक्रमांतर्गत वाटवी ते डोकारे आदिवासी सहकारी कारखाना रस्ता, आमलाण ते मोगलबारा रस्ता, बेटकी ते आमलाण रस्ता, डोकारे डालीअंबा चेडापाडा रस्ता, डोकारे ते स्मशानभूमी रस्ता, मेनतलाव ते स्मशानभूमी रस्ता.
लघूसिंचन विभागांतर्गत डोकारे येथील सरपणी नदीवर साठवण बंधारा, वाटवी (पाचंबा) नाल्यावर साठवण बंधारा करणे.
पाणीपुरवठा विभागांतर्गत बिलीपाडा येथे नळपाणी पुरवठा योजना करणे, बिलगव्हाण, बिलबारा, पाचंबा, करंजवेल, बेटकी, चेडापाडा, तिनमौली येथे कुपनलिका विहीर करणे.
दरम्यान, तिनमौली, बिलीपाडा, बिलबारा, सुकवेल व नवागांव येथे पथदिवे बसविणे. तसेच पाचंबा, करंजवेल, कोकणीपाडा, डोकारे, सुकवेल, बिलबारा, बिलीपाडा येथे खुले व्यायामशाळा साहित्य बसविणे, नवागाव येथे संरक्षण भिंत बांधणे.
उमराण येथे नवीन अंगणवाडी बांधकाम करणे, उमराण व वावडी प्राथमिक आरोग्य केंद्र येथे दुहेरी पंप बसविणे.