मयत वृद्धाच्या संपर्कातील सात जणांची तपासणी

लोकमत न्यूज नेटवर्कखापर/लोणखेडा : शहादा तालुक्यातील लोणखेडा येथे ६७ वर्षीय वृद्धाचा कोरोनाचा संसर्ग होवून मृत्यू झाला होता़ यानंतर आरोग्य विभागाने त्याच्या संपर्कात आलेल्या सात जणांचे स्वॅब तपासणीसाठी पाठवले आहेत़ दरम्यान खापर ता़ अक्कलकुवा येथील दोघ वृद्धाच्या अंत्ययात्रेत सहभागी झाल्याने त्यांनाही क्वारंटाईन करण्यात आले आहे़आरोग्य विभागाने लोणखेडा गावात सतर्कता म्हणून ११ पथकांची नियुक्ती केली आहे़ लोणखेडा गावात लॉकडाऊन पाळण्यात येत आहे़ या काळात दवाखाने व मेडिकल सुरु राहणार आहेत. सकाळी व सायंकाळी एक तास दुग्धव्यवसाय सुरु राहणार आहे. मुंबई येथे जावयाकडे आलेल्या मयत वृद्धाला इतरही आजार होते. दरम्यान त्याच्यात कोरोनाची लक्षणे दिसू लागल्याने होम क्वारंटाईन केले गेले होते. परंतू प्रकृती बिघडल्याने त्याला नंदुरबार जिल्हा रुग्णालयात दाखल करण्यात आले होते़ येथे उपचाराचारदरम्यान त्याचा मृत्यू झाला होता़ मयत वृद्ध कोरोना पॉझिटिव्ह असल्याचा अहवाल मिळाल्यापासून तालुका आरोग्य विभागाचे पथक लोणखेड्यात ठाण मांडून आहे़ रोहिदासनगर परिसर सील करुन फवारणी करण्यात आली आहे. याआधी शहादा येथील एक पॉझिटीव्ह रुग्ण ईदनिमित्त नातलगांना भेटण्यासाठी लोणखेडा येथे येऊन गेला होता़ यामुळे गावात दुसऱ्यांदा उपाययोजनांना करण्यात आली आहे़ सरपंच शांताबाई भिल, उपसरपंच कल्पना पाटील, ग्रामसेवक दिनकर नाईकनवरे, तलाठी देसले, नगरसेवक प्राचार्य मकरंद पाटील, अशोक टिला पाटील, हरी लिमजी पाटील, पोलीस पाटील युवराज पाटील यांच्यासह ग्रामपंचायत सदस्य वेळोवेळी गावात भेटी देऊन माहिती घेत आहेत़खापरचे दोघे मयताच्या आले संपर्कातलोणखेडा ता़ शहादा येथील कोरोनाबाधित मयत वृद्धाच्या संपर्कात आलेल्या खापर ता़ अक्कलकुवा येथील दोघांना सोमवारी रात्री क्वारंटाईन करण्यात आले़ क्वारंटाईन केलेल्या दोघांपैकी एक मयताचा भाऊ तर दुसरा त्याचा नातेवाईक आहे़ त्याच्या अंत्यसंस्कार करण्यासाठी दोघेही लोणखेडा येथे गेले होते़ तेथून परतल्यानंतर दोघांनाही क्वारंटाईन करण्यात आले आहे़ दोघांनाही क्वारंटाईन कक्षात दाखल करण्यात आल्यानंतर त्यांचे स्वॅब तपासणीसाठी पाठवण्यात आले आहेत़ या प्रकारामुळे खापर परिसरात चिंता व्यक्त होत होती़ या भागात अद्याप एकही कोरोना संसर्गित व्यक्ती आढळलेली नाही़ दोघे क्वारंटाईन झाल्याने गावात याची चर्चा सुरु होती़प्रतापपूरच्या १० जणांना अंत्ययात्रेत जाणे पडले महागलोकमत न्यूज नेटवर्कप्रतापपूर : तळोदा तालुक्यातील प्रतापपूर येथून बाम्हणे ता़ शिंदखेडा येथे अंत्ययात्रेत गेलेल्या १० जणांना क्वारंटाईन करण्यात आले आहे़ बाम्हणे येथील मयत कोरोनाबाधित असल्याचे रिपोर्ट आल्यानंतर मंगळवारी तातडीने ही कारवाई करण्यात आली़बाम्हणे ता़ शिंदखेडा येथील एकाचा मृत्यू झाल्यानंतर १४ रोजी त्याचे १० नातेवाईक प्रतापपूर येथून गेले होते़ हे सर्व परत आल्यानंतर मयत हा कोरोनाबाधित असल्याचे समोर आले होते़ यानंतर या सर्वांना तालुका वैद्यकीय अधिकाऱ्यांच्या पथकाने तातडीने आमलाड येथे हलवले आहे़ त्यांचे स्वॅब घेण्यात आले आहेत़