अध्यक्षस्थानी समस्त दोडेगुजर समाज पंचचे माजी विश्वस्त बन्सीलाल गोविंद पाटील तर प्रमुख पाहुणे म्हणून पंढरीनाथ चौधरी, मोहन पाटील आदी उपस्थित होते. बैठकीत समस्त दोडेगुजर समाज पंच नंदुरबार व तापी जिल्हा अध्यक्ष यशवंत शंकर पटेल यांच्या परवानगीने तळोदा शहर दोडेगुजर समाज संघटनेची नूतन कार्यकारिणीची निवड करण्यात आली. तळोदा शहर दोडेगुजर समाज संघटनेच्या अध्यक्षपदी सर्वानुमते कांतीलाल तुमडू पाटील यांची निवड करण्यात आली. उपाध्यक्ष योगेश उखा पाटील तर सचिव म्हणून सोमनाथ रमण पाटील यांची सर्वानुमते निवड करण्यात आली. उर्वरित कार्यकारिणीत कोषाध्यक्षपदी योगेश चव्हाण विश्वस्तपदी गोविंद पाटील, विकास पाटील, राजेंद्र चौधरी, पंकज पाटील, कांतीलाल पाटील, नंदकुमार पाटील, दीपक चौधरी, प्रदीप पाटील, सागर पाटील, भूषण मुकेश पाटील, राहुल पाटील यांचा समावेश करण्यात आला आहे. कायदेशीर सल्लागारपदी ॲड.उदयसिंग भीमसिंग चौधरी यांची निवड करण्यात आली.
सूत्रसंचालन हितेंद्र पाटील तर आभार युवराज चव्हाण यांनी मानले. बैठकीसाठी गणेश पाटील, ज्ञानेश्वर पाटील, चंद्रकांत पाटील आदींनी परिश्रम घेतले. बैठकीत कोरोनाचे संक्रमण लक्षात घेता सोशल डिस्टन्सिंगचे पालन ठेवण्यात आले होते.
मुलींच्या शिक्षणावर विशेष चर्चा
दोडे गुजर समाजाच्या तळोदा शहर कार्यकारिणीच्या निवडीसाठी घेण्यात आलेल्या बैठकीत शहरातील समाजबांधव उपस्थित होते. या वेळी समाजाच्या विकासासाठी सर्वानी संघटित राहण्याचा निर्णय घेतला. तसेच विविध विषयांसह सामाजिक प्रश्नांवरदेखील चर्चा करण्यात आली. सामाजिक रूढीपरंपरा- चालीरिती याबाबत भूमिका ठरविण्याचा व समाजाचा शैक्षणिक दर्जा वाढण्यासाठी नूतन कार्यकािरणीकडून प्रयत्न केले जाणार असल्याचे सांगण्यात आले. विशेषतः मुलींच्या शिक्षणाबाबत बैठकीत विशेष चर्चा करण्यात आली.