घराबाहेर पडलेल्या, रस्त्यावरून चालणाऱ्या किंवा मोटरसायकल, वाहने, तीनचाकी, चारचाकी इत्यादी चालवत असणाऱ्या प्रत्येक व्यक्तीने आपले नाक व तोंडावर व्यवस्थितपणे झाकलेले मुखवटे घालावेत. हनुवटीच्या खाली मास्क घालणे किंवा नाक आणि तोंड दोन्ही उघडे ठेवणेदेखील गुन्हा आहे. मुखवट्याचा शास्त्रीय पद्धतीने वापर न करणारे व्यक्ती व्हायरसचे सुपर फैलाव करणारे असतात. अशा व्यक्तींच्या विरोधात कायद्यात तरतूद केल्याप्रमाणे गुन्हा नोंदविला जाईल.
कोणतीही व्यक्ती, लोकप्रतिनिधी असेल किंवा कोणत्याही राजकीय पक्षांचे पदाधिकारी, जिल्हा परिषद, नगरपालिका, नगरपंचायत, ग्रामपंचायत इ. सदस्यांना अशा निर्बंधातून मुभा नसेल. स्वत:ला किंवा कोणत्याही उल्लंघनकर्त्याला अशा निर्बंधांचे उल्लंघन केल्याबद्दल गुन्हा दाखल करण्यापासून वाचविण्यासाठी संबंधित अंमलबजावणी यंत्रणेवर कोणताही दबाव किंवा प्रभाव टाकू नये. अशा प्रकारचे कृत्य केल्यास संबंधित व्यक्ती अथवा लोकप्रतिनिधीवर लोकसेवकाद्वारे कर्तव्य बजावताना हस्तक्षेप केल्याबद्दल दंडनीय गुन्हा दाखल करण्यात येईल. वरीलप्रमाणे दिशानिर्देश आणि सर्व निर्बंध हे कर्तव्यावर नसलेल्या सर्व लोकसेवकांनाही लागू राहतील.
या आदेशाचे कोणत्याही व्यक्ती, समूह, संस्था अथवा संघटनांनी उल्लंघन केल्यास त्यांच्याविरुद्ध आपत्ती व्यवस्थापन कायदा, साथ प्रतिबंधक कायदा, फौजदारी प्रक्रिया संहिता, तसेच भारतीय दंड संहितेच्या कलमा नुसार कारवाई करण्यात येईल, असे आदेशात नमूद करण्यात आले आहे.