कोरोना महामारीमुळे सर्वत्र रक्ताचा तुटवडा जाणवत असल्याने, सामाजिक कर्तव्य म्हणून दोन जुलैपासून ‘लोकमत रक्ताचं नातं’ या अभियानांतर्गत नंदुरबार जिल्ह्यात विविध गावांमध्ये आणि शहरांमध्ये रक्तदान शिबिराचे आयोजन करण्यात आले आहे. ज्येष्ठ स्वातंत्र्यसेनानी जवाहरलाल दर्डा उपाख्य बाबूजी यांच्या जयंतीनिमित्त ‘लोकमत’ आणि आणि विविध शहर ग्राम गुजर पाटीदार ग्लोबल मित्रमंडळ ( व्हीएसजीजीएम ) यांच्या संयुक्त विद्यमाने फेस येथे रक्तदान शिबिराचे आयोजन करण्यात आले होते. प्रारंभी सरदार वल्लभ पटेल यांच्या प्रतिमेला ज्येष्ठ नागरिक संघांचे उपाध्यक्ष रोहिदास फकिरा पाटील यांच्या प्रतिमेला पुष्पहार अर्पण केला. दीप प्रज्वलन करून शिबिराची सुरुवात करण्यात आली. यावेळी महिला, पुरुष, तरुण मित्रमंडळ यांनी उत्स्फूर्त सहभाग नोंदविला. यात ५४ रक्त पिशव्यांचे संकलन करण्यात आले. यावेळी लसीकरण झालेल्या १२ युवकांनी पुढील शिबिरात लस घेण्याची तयारी करून नोंदणी केली.
विविध संघटना आणि व्यक्तींच्या सहभाग
‘लोकमत’ व व्हीसीजीजीएमसोबतच फेस येथील सरदार वल्लभभाई पटेल युवा युनिटी मित्रमंडळ, ज्येष्ठ नागरिक मंडळ, फेस महिला मंडळ, सातपुडा साखर कारखान्याचे संचालक जगन्नाथ चौधरी, फेस सहकारी पाणीपुरवठाचे चेअरमन योगेश फकिरा पाटील, उपसरपंच राकेश एकनाथ पाटील, लिलाचंद पाटील, व्हीएसजीजीएम सदस्य दिनेश पाटील, चंद्रकांत पटेल (हिंगणी), बामखेडा येथील पोलीस पाटील डॉ.योगेश चौधरी, माजी प्राचार्य पी. सी. पाटील, विवेक पाटील(डामरखेडा), तुषार पाटील(चिखली) व ग्रामस्थ उपस्थित होते. शिबिरासाठी नवजीवन ब्लड बँकेचे संचालक डॉ.सुनील चौधरी, रोहिदास जाधव, गजानन चौधरी, कैलास पटेल, चंद्रकांत दंडगव्हाण, पांडुरंग गवळी यांचे सहकार्य लाभले.