मागील काही दिवसांपूर्वी जिल्हा परिषदेत झालेल्या सर्वसाधारण सभेत अक्कलकुवा ग्रामपंचायत गैरव्यवहारात दोषी आढळणा-यांवर थेट फौजदारी गुन्हे दाखल करणार असल्याचे प्रशासनाने म्हटले होते. त्यानुसार सोमवारी स्पष्ट होणा-या अहवालात दोषींवर कारवाई होणार किंवा कसे याकडे लक्ष लागून राहणार आहे.
कॅशबुकवर अधिका-यांच्या बनावट सह्या
दरम्यान या गैरव्यवहार प्रकरणाच्या अनेक बाबी उघड होत आहेत.यात १४ व्या वित्त आयोगांतर्गत ग्रामसेवक एस.आर.कोळी यांनी पाच मिनी वाॅटर सप्लायची एक लाखाच्या आतील कामे केल्याची नोंद केली होती. मे, जून, जुलै २०२० या काळात कॅश बुकात या कामांच्या नोंदी आहेत. यावर अक्कलकुवा ग्रामीण पाणीपुरवठा विभागाच्या एका अधिका-याच्या सह्या आहेत.परंतू संबधित अधिकारी हे २०१९ मध्येच अक्कलकुवा येथून नंदुरबार येथे बदलून गेल्याने या प्रकरणाचे गांभिर्य वाढले आहे. २०२० मध्ये बनावट सह्या करण्याचे उघडकीस आल्याने २०१६ पासूनच्या गैरव्यवहाराची पाळमुळे आणखी गंभीर असल्याचे प्रशासकीय वर्तुळातून बोलले जात आहे.