सुप्रीम कोर्टाने मराठा समाजाचे आरक्षण रद्द केले. या आरक्षणाच्या समर्थनार्थ राष्ट्रवादी युवक काँग्रेसतर्फे प्रदेश अध्यक्ष मेहबूब शेख यांनी एक कोटी पोस्टकार्ड पंतप्रधानांना पाठविण्याचा संकल्प केला आहे. त्यांच्या सूचनेवरून तसेच राष्ट्रवादी काँग्रेस पार्टीची प्रदेश उपाध्यक्ष व माजी आमदार उदेसिंग पाडवी यांच्या मार्गदर्शनाखाली शहादा-तळोदा मतदारसंघातून २० हजार पोस्टकार्ड पाठविण्याचे नियोजन करण्यात आले आहे. याबाबत माहिती देण्यासाठी सोमवारी तळोदा येथे कार्यक्रम आयोजित केला होता. उदेसिंग पाडवी यांनी माहिती देताना सांगितले की, मागील राज्य सरकारच्या चुकीच्या पद्धतीमुळे मराठा समाजाचे आरक्षण न्यायालयाने फेटाळले आहे. मात्र हे आरक्षण पुन्हा मिळवून देण्यासाठी शासन कटिबद्ध आहे. यासाठी विशेषत: राष्ट्रवादी युवक काँग्रेसने अधिक कंबर कसली आहे. म्हणूनच पंतप्रधानांना एक कोटी पोस्टकार्ड पाठविण्याचे नियोजन करण्यात आले आहे. हे कार्ड आम्ही लगेच पोस्टाने रवाना करत असल्याचे त्यांनी सांगितले.
यावेळी नगरसेवक हितेंद्र क्षत्रिय, संदीप परदेशी, ओबीसी सेलचे जिल्हाध्यक्ष चंद्रकांत पाटील, डॉक्टर सेलचे जिल्हाध्यक्ष डॉ. तुषार सनंसे, डॉ. रामराव आघाडे, भरत चौधरी, योगेश मराठे, कमलेश पाडवी, गणेश पाडवी, आदिल शेख, धर्मराज पवार, मुकेश पाडवी, जयेश जोहरी, कांत्या पाडवी, महेंद्र पोटे, अरविंद वळवी, इमरान सिकलीकर, नदीम बागवान, प्रल्हाद फोके, मोहन मोठे, नवनीत शिंदे, शांताराम गायकवाड, विलास शिंदे, महेंद्र गाडे, ईश्वर पोटे, भास्कर मराठे, अशोक मराठे, संजय बोराणे, अनिल शिंदे आदी उपस्थित होते.