नांदेड : महापालिकेच्या प्रभाग क्रमांक १७ आणि १८ प्रभागाचे निकाल घोषित करण्यात आले आहेत. भाजपने प्रभाग क्रमांक १८ मध्ये खेळलेली ‘मजपा’ खेळी अयशस्वी ठरली आहे. या ठिकाणी काँग्रेसच्या चारही उमेदवारांचा विजय झाला आहे.
प्रभाग क्रमांक १७ गुरुद्वारा प्रभागातून भाजपच्या चारही उमेदवारांना यश मिळाले आहे. या ठिकाणी भाजपच्या प्रभाबाई यादव, मनप्रीतकाैर कुंजीवाले, सुमीत मुथा आणि गुरमीतसिंघ नवाब यांचा विजय झाला आहे. तर प्रभाग क्रमांक १८ मध्ये काँग्रेसच्या चारही उमेदवारांना यश मिळाले आहे. यामध्ये ज्योत्सना गोडबोले, हुसेन शोएब मजहर, माहेजबीन अब्दुल फहीम, मोहसीन खान महबुब खान या चाैघांचा विजयी उमेदवारांमध्ये समावेश आहे.
मराठवाडा जनहित पार्टीची खेळी अपयशी
या ठिकाणी भाजपची खेळी अयशस्वी ठरली आहे. मराठवाडा जनहित पार्टीच्या माध्यमातून भाजपने या ठिकाणी उमेदवार दिले होते. या प्रभागात भाजपचा एकही उमेदवार नव्हता. त्यामुळे मजपाही भाजपाचीच बी टीम असल्याचा विश्वास मतदारांना झाला आणि त्यांनी भाजपचा हा डाव हाणून पाडला.
Web Summary : In Nanded Municipal elections, Congress secured all four seats in ward 18, foiling BJP's attempt to influence voters through the Marathwada Janhit Party (MJP). BJP won all four seats in ward 17. Voters recognized MJP as a BJP proxy.
Web Summary : नांदेड नगर निगम चुनावों में, कांग्रेस ने वार्ड 18 में सभी चार सीटें जीतीं, जिससे भाजपा का मराठवाड़ा जनहित पार्टी (एमजेपी) के माध्यम से मतदाताओं को प्रभावित करने का प्रयास विफल हो गया। भाजपा ने वार्ड 17 में सभी चार सीटें जीतीं। मतदाताओं ने एमजेपी को भाजपा का ही एक रूप माना।