दुचाकी अपघातात तरुणाचा मृत्यू

रामटेक : भरधाव दुचाकीची रस्त्यात मृतावस्थेत पडून असलेल्या म्हशीला धडक लागली. त्यात गंभीर दुखापत झालेल्या तरुणाचा उपचारादरम्यान मृत्यू झाला, तर त्याची मैत्रीण गंभीर जखमी झाली. अपघाताची ही घटना रामटेक पाेलीस ठाण्याच्या हद्दीतील रामधाम, मनसर येथे २६ मार्च राेजी घडली. प्रतीक शुद्धाेधन मेश्राम (२५, रा. प्लाॅट नं. ८२, गाैरीसुत्र अपार्टमेंटजवळ, आर्यानगर, काेराडी राेड, नागपूर), असे मृत तरुणाचे नाव आहे. प्रतीक दुचाकीने (क्र. एमएच-४९/आर-३६२५) मैत्रीण पूजा भास्कर बारापात्रे हिच्यासह रामटेक येथून मनसरकडे जात हाेता. दरम्यान, मनसर येथील रामधाम परिसरात त्याचे दुचाकीवरील नियंत्रण सुटून मृतावस्थेत पडून असलेल्या म्हशीला दुचाकीची धडक लागली. त्यात गंभीर दुखापत झाल्याने प्रतीकचा उपचारादरम्यान मृत्यू झाला, तर दुचाकीवर मागे बसलेली त्याची मैत्रीण गंभीर जखमी झाली. याप्रकरणी सिद्धांत शुद्धाेधन मेश्राम (२१, रा. प्लाॅट नं. ८२, आर्यानगर, काेराडी राेड, नागपूर) यांच्या तक्रारीवरून रामटेक पाेलिसांनी गुन्हा नाेंदविला असून, पुढील तपास पाेलीस नाईक गजानन उकेबाेंद्रे करीत आहेत.