भिंतीच्या वादातून महिलेचा खून, पतीस मारहाण; रामटेक तालुक्यातील घटना

डाेंगरी येथील घटना; आराेपीस अटक

रामटेक (नागपूर) : भिंतीच्या जागेवरून उद्भवलेला वाद विकाेपास गेला. त्यामुळे दाम्पत्य पाणी भरण्यासाठी हॅण्डपंपजवळ येताच आराेपीने त्यांच्याशी भांडण उकरून काढत दाेघांनाही लाेखंडी राॅडने जबर मारहाण केली. त्यात महिलेचा मृत्यू झाला तर तिचा पती गंभीर जखमी झाला. ही घटना रामटेक पाेलीस ठाण्याच्या हद्दीतील रामटेक-मुसेवाडी राेडवरील डाेंगरी येथे मंगळवारी (दि. १) दुपारी ३ वाजताच्या सुमारास घडली.

ओमेश्वरी शामदयाल शरणागत (४५) असे मृत महिलेचे तर शामदयाल हरिराम शरणागत (५५) असे जखमी पतीचे नाव असून, कैलास ऊर्फ बाल्या यशाेलाल शरणागत (३४) असे अटक करण्यात आलेल्या आराेपीचे नाव आहे. हे तिघेही डाेंगरी, ता. रामटेक येथील रहिवासी असून, शामदयाल व कैलास एकमेकांच्या नात्यात आहेत.

त्या दाेन्ही कुटुंबांमध्ये भिंतीच्या जागेवरून वाद हाेता. कैलासच्या घरासमाेर हॅण्डपंप आहे. ओमेश्वरी मंगळवारी दुपारी नेहमीप्रमाणे त्या हॅण्डपंपवर पाणी आणण्यासाठी गेली हाेती. ती पाणी नेण्यासाठी आल्याचे दिसताच कैलासने तिच्याशी भांडायला सुरुवात केली. ताे ओमेश्वरीला अश्लील शिवीगाळ करीत जीवे मारण्याची धमकी देत असताना तिचा पती शामदयाल हॅण्डपंपजवळ आला.

काही कळण्याच्या आत कैलासने लाेखंडी राॅडने दाेघांनाही मारहाण करायला सुरुवात केली. त्यात दाेघेही गंभीर जखमी झाले. कुटुंबीयांनी त्या दाेघांनाही उपचारासाठी लगेच कामठी शहरातील उपजिल्हा रुग्णालयात नेले. तिथे डाॅक्टरांनी तपासणीअंती ओमेश्वरीला मृत घाेषित केले. शिवाय, शामदयालवर उपचार सुरू केले. माहिती मिळताच पाेलिसांनी घटनास्थळ गाठून पंचनामा केला. या प्रकरणी रामटेक पाेलिसांनी भादंवि ३०२, ३०७, ५०४, ५०६ अन्वये गुन्हा नाेंदवून आराेपी कैलास शरणागत यास अटक केली.

अनैतिक संबंधाचा संशय

मृत ओमेश्वरी आणि शामदयाल यांना शुभम नावाचा तरुण मुलगा आहे. त्याचे कैलासच्या पत्नीसाेबत अनैतिक संबंध असल्याचा कैलासला संशय हाेता. त्यामुळे कैलास नेहमीच शामदयाल व त्याच्या कुटुंबीयांना शिवीगाळ करीत जीवे मारण्याची धमकी द्यायचा, अशी माहिती पाेलीस अधिकाऱ्यांनी दिली. याच संशयातून त्याने ओमेश्वरीचा खून केल्याची माहिती जाणकार व्यक्तींनी दिली.