काँग्रेस प्रदेशाध्यक्षांविरुद्ध गरळ ओकणारा गजाआड

Used gutter language arrested काँग्रेस प्रदेशाध्यक्ष नाना पटोले यांच्याविरुद्ध अश्लील आणि अपमानजनक भाषेतील पोस्ट फेसबुकवर अपलोड करणाऱ्या आरोपीला प्रतापनगर पोलिसांनी अटक केली.

 लोकमत  न्यूज  नेटवर्क

नागपूर - काँग्रेस प्रदेशाध्यक्ष नाना पटोले यांच्याविरुद्ध अश्लील आणि अपमानजनक भाषेतील पोस्ट फेसबुकवर अपलोड करणाऱ्या आरोपीला प्रतापनगर पोलिसांनी अटक केली. कृणाल मोहनराव दहीवाले (वय ३४) असे त्याचे नाव असून, महालमधील नाईक रोड भागात राहतो.

आरोपी कृणालने २० ते २७ फेब्रुवारी दरम्यान काँग्रेस प्रदेशाध्यक्ष पटोले यांच्याविरुद्ध फेसबुकवर अश्लील मजकूर पोस्ट केला. सोशल मीडियावर तो व्हायरल झाल्याने राजकीय वर्तुळातून तीव्र प्रतिक्रिया उमटली. काँग्रेसच्या सोशल मीडियाची जबाबदारी सांभाळणारे आकाश पितांबर तायवाडे (वय ३१, रा. शनी मंदिरजवळ, गोपालनगर) यांनी प्रतापनगर ठाण्यात या संबंधाने तक्रार नोंदवली होती. पोलिसांनी सायबर सेलच्या माध्यमातून ही पोस्ट अपलोड करणाऱ्या आरोपीचा शोध घेऊन रविवारी सायंकाळी दहीवालेला अटक केली. तो एका साैंदर्य प्रसाधन कंपनीत सेल्समन आहे. पोलीस चाैकशीत त्याने गुन्ह्याची कबुली दिली. त्यानंतर पोलिसांनी त्याला आज न्यायालयात हजर केले. न्यायालयाने त्याला जामिनावर मुक्त केले.