नागपूर : शहराच्या आसपास असलेल्या पर्यटन स्थळांवर पाेहचणे आता सहज शक्य हाेणार आहे. एस.टी. महामंडळातर्फे येत्या १० जानेवारीपासून शहरातील गणेशपेठ बसस्टॅंडवरून विशेष पर्यटन बससेवा सुरू करणार आहे. रविवार आणि सार्वजनिक सुट्यांच्या दिवशी ही बस सुरू राहील. सकाळी ८ वाजता बसस्थानकाहून ही बस रवाना हाेईल आणि जवळच्या ६ पर्यटन स्थळांना भेटी देऊन परत गणेशपेठ बसस्थानकावर प्रवाशांना साेडेल.
ही बस सकाळी स्थानकावरून निघून वाडीच्या समाेर सुराबर्डीला पाेहचेल. येथे काही काळ थांबल्यानंतर धापेवाडाला जाईल. इथून पुढे अदासा, खिंडसी, रामटेक व शेवटी कामठीच्या ड्रॅगन पॅलेसला भेट देऊन परत गणेशपेठ बसस्थानकाला पाेहचेल. बसचे तिकीट २५० रुपये ठेवण्यात आले असून लहान मुलांना सवलतीच्या दरात तिकीट मिळणार आहे. उल्लेखनीय म्हणजे शहराच्या आसपास अनेक पर्यटनस्थळे आहेत पण एका दिवसात ते फिरणे शक्य हाेत नाही. त्यामुळे अनेकांचा भ्रमनिरास हाेताे. आता एसटीने ही बससेवा सुरू केल्याने पर्यटनाचा चांगला पर्याय उपलब्ध हाेणार आहे.