नागपूर : इन्स्टिट्यूट ऑफ चार्टर्ड अकाऊंटंट ऑफ इंडियाच्या पश्चिम विभागांतर्गत कार्यरत नागपूर सीए संस्थेच्या अध्यक्षपदी सीए साकेत बागडिया यांची २०२१-२२ या वर्षासाठी सर्वानुमते निवड करण्यात आली.
कार्यकारिणीमध्ये उपाध्यक्ष आणि ‘विकासा’ अध्यक्षपदी सीए जीतेन सागलानी, सचिव सीए संजय एम. अग्रवाल, कोषाध्यक्ष सीए अक्षय गुल्हाने आणि अन्य व्यवस्थापकीय समिती सदस्यांमध्ये माजी अध्यक्ष सीए किरीट कल्याणी, सीए सुरेन दुरगकर, सीए हरीश रंगवानी, आरसीएम सीए अभिजीत केळकर यांचा समावेश आहे.
पदभार स्वीकारल्यानंतर सीए साकेत बागडिया म्हणाले की, वर्षभरात ही समिती मार्गदर्शनपर कार्यक्रमांचे आयोजन करण्यावर भर देणार आहे. त्यामुळे राष्ट्रनिर्माण, सदस्यांचे आणि विद्यार्थ्यांचे मूल्य वाढविण्यात तसेच विविध शासकीय आणि निम-सरकारी प्राधिकरण व विभागांशी अधिक संवाद साधण्यात मदत होणार आहे. शाखा वरिष्ठ आणि तरुण सदस्यांमध्ये अनुकूल आणि मैत्रीपूर्ण वातावरणात ज्ञानावर्धन करण्यात एक व्यासपीठ तयार करून महत्त्वपूर्ण भूमिका बजावेल. तसेच युवा सदस्यांच्या उत्साहाने ज्येष्ठ सदस्यांचा अनुभव जोडण्यासाठी पुढाकार घेईल. सामाजिक आघाडीवर समिती सर्वसामान्यांमध्ये जनजागृती करण्यासाठी जोरदार प्रयत्न करेल. त्यांनी सीएचे आभार मानले.