नागपुरात पारा ४० पार ! मोसमातील सर्वांत उष्ण दिवसाची नोंद; पाऊस आणि उन्हाचा 'खेळ' सुरूच

Nagpur : विदर्भात उन्हाचा तडाखा भलताच वाढला असून शुक्रवारी नागपूरकरांना या मोसमातील सर्वाधिक उष्णतेचा सामना करावा लागला. शहरात ४०.६ अंश सेल्सिअस तापमानाची नोंद झाली असून, हा दिवस आतापर्यंतचा सर्वात 'हॉट' ठरला आहे.

नागपूर: विदर्भात उन्हाचा तडाखा भलताच वाढला असून शुक्रवारी नागपूरकरांना या मोसमातील सर्वाधिक उष्णतेचा सामना करावा लागला. शहरात ४०.६ अंश सेल्सिअस तापमानाची नोंद झाली असून, हा दिवस आतापर्यंतचा सर्वात 'हॉट' ठरला आहे.

​एकीकडे हवामान विभागाने पावसाचा अलर्ट दिला असताना, दुसरीकडे मात्र नागपूरकरांना घामाच्या धारांनी अक्षरशः न्हाऊ घातले. केवळ नागपूरच नव्हे, तर विदर्भातील अमरावती, अकोला, वर्धा, चंद्रपूर आणि वाशिम या सहा जिल्ह्यांमध्येही पारा ४० अंशांच्या पुढे गेल्याने नागरिक हैराण झाले आहेत.

​पुढील ६-७ दिवस महत्त्वाचे

हवामान खात्याच्या अंदाजानुसार, येत्या आठवड्यात नागपूरसह विदर्भात विचित्र हवामान पाहायला मिळेल. कडक उन्हाच्या झळांसोबतच सोसाट्याचा वारा आणि पावसाची शक्यता वर्तवण्यात आली आहे. त्यामुळे नागरिकांनी ऊन आणि पाऊस या दोन्हीपासून बचाव करण्याची तयारी ठेवावी.